ဗုဒ္ဓဟူးနေ့ နေ့လယ်မှာ ရောက်လာတဲ့ ဧည့်သည်

 ကျွန်မဆီမှာ ရှင်တို့ကိုပြောပြရင် (နည်းနည်းလောက်ပဲဖြစ်ဖြစ်)အံ့အားသင့်စေမယ့် ကိစ္စလေးတစ်ခုရှိတယ်။ ကျွန်မရဲ့ ဧည့်သည်တစ်ယောက် နဲ့ပတ်သက်ပြီးတော့ပေါ့။ လူနာလို့လည်း ပြောချင်ပြောပေ့ါ။ ကျွန်မကိုယ်တိုင်တော့ ဘယ်ဟုတ်ပါ့မလဲ။ လူတွေက ကိုယ့်အကြောင်းတော့ ကိုယ်အကောင်းပဲပြောချင်ကြတာဆိုတော့ အဲဒီလူတွေထဲမှာ ကျွန်မလည်းအပါအ၀င်ပေါ့။ လူနာဆိုလို့ ကျွန်မကို ဆရာဝန်လားလို့ မေးလာမယ်ဆိုရင် ဟုတ်ကဲ့လို့ဖြေရမှာပဲ။ အမှန်အတိုင်းပြောရရင် ဆေးကုရမယ့်အလုပ်ကို ကျွန်မ မကြိုက်ဘူး။ ဒါပေမယ်လို့ ကျွန်မရဲ့မိဘများက သိပ်ကြိုက်တဲ့အတွက် ကျွန်မဆရာဝန်ဖြစ်လာခဲ့တယ်။ ကျွန်မစိတ်ရောဂါကုဆရာ ၀န်တစ်ယောက် ဖြစ်လာတယ်။ အအောင်မြင်ကြီးတော့ မဟုတ်ပေမယ်လို့ ဆရာဝန်ဆိုတဲ့ဂုဏ်ပုဒ်လေးနဲ့တော့ လူအများကြား ကျွန်မဦး မော့နိုင်တယ်ပေါ့လေ။ ကျွန်မတို့ရဲ့ နိုင်ငံရေးအခြေအနေနဲ့ နိုင်ငံထဲက လူတွေရဲ့ စိတ်ဓါတ် ခံယူချက်များအားဖြင့် အားလုံး ခြုံကြည့်ရင်တော့ မဆိုးလှပါဘူး။ ကျွန်မ အဲဒီနေ့က ဆေးရုံကို အရင်နေ့တွေလိုပဲ လာခဲ့တယ်။ ထမင်းဘူးကို ခုံပေါ်မှာချပြီး ဂျူတီကုတ်ကိုဝတ်တယ်။ပြီးတော့ဒီနေ့ကြည့် ရမယ့် လူနာတွေစာရင်းကို ကျွန်မတောင်းတယ်။ ပြီးတော့လိုက်ကြည့်တယ်။ နေ့လယ်ပိုင်းလောက်ထိပေါ့။ နေ့လယ်ရောက်တော့ ကျွန် မ နားနေခန်းထဲ ပြန်ရောက်နေပြီ။ ကျွန်မရဲ့နားနေခန်းအရှေ့က ဘာပင်မှန်းသေချာမသိတဲ့ သစ်ပင်အကြီးကြီးတစ်ပင်က မတ်မတ်ကြီး တည်လို့။ အကိုင်းတွေက သူ့ကိုယ်ကနေ မွေးထုတ်လိုက်တဲ့ပစ်စလက်ခတ်ကလေးတွေလိုမျိုး ထုိးထိုးထောင်ထောင်နဲ့ ထွက်ချင်တဲ့နေ ရာကို ထွက်လို့။ လူနာခန်းတွေကနေကြည့်မယ်ဆိုရင်လည်း တကယ်ဆိုရင်မြင်ရနိုင်တယ်။ဒါပေမယ်လို့ ကျွန်မတို့ဆေးရုံက လူနာတွေ ကို ထားတဲ့အခန်းတွေမှာ မျက်နှာလေးပေါ်ရုံမြင်ရတဲ့ အလုံပိတ်သံတံခါးကြီးတစ်ခုကိုပဲ တပ်ထားတယ်။ ပြတင်းပေါက်ဆိုတာ သူတို့အ ခန်းထဲမှာ မရှိဘူး။ ကျွန်မတို့ဆီင်္ရောက်လာတာ ကြာနေတဲ့ တချို့လူနာတွေဆိုရင် အသားအရောင်ဖြူဖျော့ဖျော့တောင် ဖြစ်နေကြပြီ။ တ ကယ့်တကယ်တမ်းဆိုရင် စိတ်နေမကောင်းလို့ ရောက်လာကြတဲ့လူနာတွေရဲ့ အခန်းတွေမှာ အပြင်ဘက်နဲ့ဆက်သွယ်နိုင်ဖို့ ပြတင်း ပေါက်လေးတစ်ခုတော့ ထားပေးသင့်တယ်မဟုတ်လား။ ထားပေးသင့်တယ်မဟုတ်လားလို့ ကျွန်မတခြားဆရာဝန်တွေကိုမေးကြည့်ဖူး တယ်။ သူတို့အားလုံး တညီတည်းခေါင်းခါတယ်။ ရူးနေတဲ့လူတွေကို ပြတင်းပေါက်ပေးလိုက်ရင် မျောက်လက်ထဲအနုမြူအပ်လိုက်သလို ဖြစ်သွားလိမ့်မယ် ။ ခင်ဗျားဒါကိုမယုံလို့ စမ်းကြည့်ချင်တယ်ဆိုရင်တောင် ခင်ဗျားဘက်က ဘယ်သူမှ လိုက်ကြမှာမဟုတ်ဘူးတဲ့။ ကျွန်မကသာ လူနာတွေအတွက် ဘာလုပ်ပေးရင်ကောင်းမယ်၊ ဘာညာလျှောက်တွေးနေတာပါ။ သူတို့ကတော့ သူတို့အခန်းမှာပြတင်း ပေါက်မရှိတဲ့ ကိစ္စကိ်ု သာမန်ကိစ္စတစ်ခုလို့ပဲ သဘောထားနေကြသလားတော့ မသိဘူး။ ဘယ်လိုမှ မနေကြဘူး။ပြတင်းပေါက် မရှိတာကို တကယ်ပဲ ဘယ်လိုမှ မခံစားကြရတာလား။ ဒါမှမဟုတ် အစကတည်းက ပြတင်းပေါက်မရှိတဲ့အခန်းထဲ ရောက်လာကြရတဲ့ အတွက် ပြတင်းပေါက်မတပ်ထားတာကို နစ်နစ်နာနာကိစ္စကြီးလို့ မတွေးဖြစ်ကြတာလား။ ဒါကိုလည်း ကျွန်မ မသိဘူး။ ဘာပဲပြောပြော ပြတင်းပေါက်မရှိတဲ့ အ ခန်းမှာ ပြတင်းပေါက်ကိုမတပ်မက်ကြတဲ့ လူတွေအတွက် ပြတင်းပေါက်တွေအများကြီးရှိတဲ့ ကျွန်မရဲ့ နားနေခန်းထဲမှာ ထိုင်ပြီး ကျွန်မ ခဏခဏ သောကတွေပွားရတယ်။( ဒါမကောင်းဘူးလို့ အတ္တ၀ါဒီစွဲလမ်းနေတဲ့ ကျွန်မရဲ့ ချစ်သူကတော့ ပြောရှာပါတယ်။) သူ ကျွန်မဆီရောက်လာတဲ့နေ့က မိုးစွတ်ရုံရွာထားတဲ့နွေအကူးရာသီတစ်ခုဖြစ်နေတာကြောင့် ကျွန်မ အရမ်းပူနေတဲ့အချိန်ပေါ့။ ဘယ် သူမှ မရှိဘူးဆိုပြီး ကျွန်မရဲ့ ဂျူတီကုတ်ကို ဂျူတီချိန်မှာချွတ်ပစ်မိတော့မလို့ပဲ။ သူ့ကိုကျွန်မ ပထမစမြင်လိုက်တဲ့အချိန်တုန်းက သူ့ကို လူ နာလို့ မထင်မိဘူး။ ကျွန်မ အတွေ့အကြုံနည်းတာလည်း ပါမှာပေါ့လေ။ ကျွန်မကို မြင်တော့သူ ခေါင်းညွတ်မလိုလေးလုပ်ပြတယ်။ ဒါပေ မယ့် သူမလုပ်လိုက်ဘူးလားလို့။ သူ့ကြည့်ရတာ အားငယ်နေသလို ရှက်နေသလို ပတ်ဝန်းကျင်သစ်ကို ပျော်မွေ့နေသလို တမျိုးပဲ။ စစ တွေ့ချင်းမှာ ကျွန်မသူ့ထက် သူ့နောက်က လူကို လူနာလို့ ထင်လိုက်မိတယ်။ နောက်မှသိရတာက ကျွန်မဆီကို ရောက်လာကြတဲ့ လူနာ အတော်များများကို ကျွန်မ အဲဒီလိုပဲ အမြဲတမ်း လူကောင်းတွေရယ်လို့ အထင်လွဲလွဲနေမိတယ်ဆိုတာကိုပဲ။ လိုအပ်တဲ့ စာရွက်စာတမ်းတွေလုပ်နေတဲ့ သူ့ကို လိုက်ပို့တဲ့လူကို သူက သူနဲ့ မဆိုင်သလိုရပ်ကြည့်နေတယ်။ သူ့ကိုကြည့်ရတာ ကျွန်မ တို့ ပုံစံလုပ်နေတဲ့ စာရွက်စာတမ်းတွေထက် စကားပြောချင်နေတဲ့ပုံပဲ။ လိုအပ်တဲ့ စာရွက်စာတမ်းတွေနဲ့ လိ်ုအပ်တဲ့ စမ်းသပ်စစ်ဆေးမှု တစ်ချို့ပြီးတဲ့အချိန်မှာတော့ ကျွန်မ သူ့ကို ကျွန်မရဲ့ ရုံးခန်းထဲကို ဖိတ်ခေါ်လိုက်တယ်။ အခန်းဝရောက်တော့ သူဖိနပ်ချွတ်တယ်။ “အို .. ဖိနပ်ချွတ်ဖို့ မလိုပါဘူး။ ဒီတိုင်း ၀င်လာပါ။” လိ်ု့ ကျွန်မသူ့ကို ရုံးသုံးချိုသာစကားနဲ့ တယုတယင် ဖိတ်ခေါ်လိုက်တယ်။ စိတ်ကျန်း မာရေးနဲ့ ပတ်သက်တဲ့လူနာတွေကို တခြားသာမန်လူနာတွေထက် ပိုပြီး တယုတယင် ဆက်ဆံဖို့လိုအပ်တယ်ဆိုတာကို ကျွန်မ သင်ယူ ဖူးတဲ့အတွက် ကျွန်မ သူတို့လို လူတိုင်းကို ဒီလိုပဲ ချိုချိုသာသာနဲ့ တယုတယင် ပြောဆိုလေ့ရှိတယ်။ များသောအားဖြင့်တော့ ကျွန်မစိတ်ထဲ က အရမ်းကြီးလိုလားတာမျိုး မရှိဖူးပါဘူး။ သူ ကျွန်မကို ခေါင်းညိတ်ပြတယ်။ အခန်းထဲရောက်တော့ ကျွန်မရဲ့ ရုံးခန်းကို သူအခန်းရဲ့ အလယ်နားလောက်မှာ မတ်တပ်ရပ်ပြီး လှည့် ပတ်ကြည့်ရှုတယ်။ သူ့ကြည့်ရတာ စိတ်ချမ်းသာနေတဲ့ပုံပဲ။ ကျွန်မရဲ့ ရုံးခန်းလေးကို သူကြည့်နေရတာနဲ့ပဲ “ထိုင်ပါ”လို့ ပြောလိုက်တဲ့ ကျွန်မရဲ့ အသံကိုရော၊ ကျွန်မ လက်ညှိုးညွှန်ပြလိုက်တဲ့ သူထိုင်ဖို့ခုံလေးကိုရော သူမကြားမမြင်လိုက်ဘူး။ ဒါမှမဟုတ် သူစိတ်မ၀င်စား လိုက်ဘူး။ နောက်မှ သူသတိထားမိသွားဟန်နဲ့ သူ့အတွက် ထားထားတဲ့ခုံမှာ သူဝင်ထိုင်တယ်။ သူရုတ်တရက် လှုပ်ရှားလိုက်ပုံက သုံးပေလောက် ပဲ ဝေးတဲ့ သူနဲ့ ကျွန်မကြားထဲမှာ ကျွန်မပြောလိုက်တဲ့စကားက အေးခဲသွားလို့ အခုမှရုတ်တရက်ကြားလိုက်ရသလိုမျိုးကြီး။ သူနဲ့ ကျွန်မကြားမှာ စားပွဲခုံဖြူဖြူတစ်လုံးခြားထားတယ်။ ဒီစားပွဲခုံပေါ်မှာ ကျွန်မပန်းအိုးနဲ့ ပန်းတစ်ချို့ကလွဲလို့ ဘာမှတင်မထားဘူး။ အခန်းဟာ ရှင်းလင်းနေတယ်။ အခန်းထဲမှာ ပန်းအိုးတင်တဲ့စားပွဲရယ်၊ ပန်းအိုးထဲက ပန်းရယ်၊ ပန်းထည့်ထားတဲ့ ပန်းအိုးရယ်နဲ့ ထိုင်ခုံနှစ်လုံးပဲ ရှိတယ်။ ကျွန်မ သူ့ကိုလိုအပ်တဲ့ မေးခွန်းတွေ မေးမယ်လုပ်ဆဲမှာ သူက ကျွန်မကို ရုတ်တရက် ထပြီး ဦးခေါင်းညွှတ်ပြပြန်တယ်။ အမှတ်တမဲ့ ဖြစ်ရပ်အတွက် ကျွန်မသူ့ကို အံ့သြသွားပေမယ်လို့ ကျွန်မတို့ဆီရောက်လာတဲ့ အရူးတိုင်း .. ဆောရီး .. စိတ်ရောဂါရှင်တိုင်းဟာ အဲဒီလို အမှတ်တမဲ့ အပြုအမူလေးတွေကို ပြုမူတတ်ကြတယ်ဆိုတာကို ကျွန်မချက်ချင်း သတိရလိုက်မိတဲ့အတွက် ရေလိုက်ငါးလိုက်ပဲ ပြန်နေလိုက်တော့တယ်။ သူအကျီဖြူကို ၀တ်ထားတယ်။ မတ်တပ်ထရပ်ပြီး ကိုင်းညွှတ်ပြလိုက်ပုံက ကျွန်မနားနေခန်းနောက်က ဘာပင် မှန်းမသိတဲ့ အပင်ကြီးနဲ့တောင် ခပ်ဆင်ဆင်ပဲ။ ဒီလူဟာ အင်မတန် ရုပ်ဆိုးတဲ့သူပဲဆိုတာကို သူ့ကိုရေလိုက်ငါးလိုက်နေလိုက်ရင်းနဲ့ ကျွန်မ သတိထားမိလိုက်တယ်။ သူက ခန္ဓာကိုယ်ကို ကိုင်းကိုင်းမျောမျောကြီးလုပ်ပြရာက ပြန်ထိုင်နေလိုက်တယ်။ “ကျွန်မ မရူးပါဘူးဆရာမ။” ဒီကိုရောက်လာတဲ့ စိတ်ရောဂါရှင်တိုင်းလိုလို ဒီစကားကိုပြောလေ့ရှိကြတယ်။ တချို့များဆို သူတို့ကိုယ်သူတို့ ရှေးတုန်းက သေသွားတဲ့ ဘုရင်မတွေ မင်းသား မင်းသမီးနဲ့ ဘုရင်တွေ သေလို့ဝင်စားတာပါလို့တောင် ပြောတတ်ကြတယ်။ သူတို့ရှေ့မှာဆိုရင်တော့ သူတို့ကို ကျွန်မတို့ ဖေးဖေးမမ စကားတွေပြောကြတာပေါ့။ နောက်ကွယ်မှာတော့ ကျွန်မတို့ သူတို့ကို ဟားကြတယ်။ ကျွန်မတို့ဆီလာတဲ့ ဧည့် သည်တွေက များတဲ့အတွက် လူတိုင်းကိုတော့ ကျွန်မတို့ လိုက်မဟားနိုင်ကြပါဘူး။ “ဟုတ်ပါတယ်။ ဒီကိုရောက်လာတဲ့ လူတွေဟာ မရူးဘဲရောက်လာတာတွေလည်းရှိတတ်ပါတယ်။ တချို့က ကိုယ့်ရဲ့စိတ်အခြေအနေကို ဆန်းစစ်ကြည့်ကြဖို့ ပညာရှင်တွေနဲ့တိုင်ပင်ဖို့ ရောက်လာကြတာမျိုးပေါ့။ ရှင်လည်း ဒီလိုဖြစ်မယ်ထင်တယ်။ ဟုတ်လား။” “ပညာရှင်ဆိုတာ ဘယ်သူတွေလဲ။” ကျွန်မ စကားဆုံးဆုံးချင်း သူကျွန်မကို ဖြတ်မေးတယ်။ ကျွန်မ သူ့အမေးကို အဲ . အဲ .. နဲ့ အတန်ကြာပြန်ဖြေဖို့ နှုတ်ဆွံ့နေတာကြောင့် သူ့ကို မကြားဟန်ပြုပြီး ဘာအတွက် လာခဲ့တာလဲလို့ပဲ ပြန်မေးလိုက်တယ်။ သူကဖြေတယ်။ “ကျွန်မ တကယ်တမ်းပြောရရင် ကျွန်မက သာမန်လူတစ်ယောက်ပါ။ စာအုပ်တွေအများကြီးဖတ်တယ်။ အများကြီးလည်း ကိုယ်နဲ့မဆိုင် တာတွေကို တွေးမိဖူးတယ်။ တွေးဖူးတယ်။ အရင်ကတော့ တွေးရုံပဲဆရာမ။ ဒါပေမယ်လို့ ခုတလော ကျွန်မစကားတွေ အများကြီးပြော ပြောမိနေတယ်။ တွေးနေရုံပဲက ပြသနာမရှိခဲ့ပေမယ်လို့ ခုချိန်မှာတော့ စကားပြောမိတဲ့အတွက် ပြသနာတွေရှိနေပြီ ဆရာမ။ ဒါကြောင့် သူတို့ ကျွန်မကို ဒီကိုခေါ်လာကြတယ်။” “ဘာတွေ ပြောမိလို့လဲ။” ကျွန်မရဲ့ အမေးကို သူပြန်မဖြေဘူး။ အကြာကြီး စားပွဲပေါ်က ပန်းအိုးကို ဆွေးသလို ငေးကြည့်နေတယ်။ သူ့ကြည့်ရတာ ပန်းပွင့်လေး တွေ ပန်းအိုးထဲမှာ လန်းနေတာကို စိတ်မကောင်းဖြစ်နေတဲ့ပုံပဲ။ “တကယ်ဆို ကျွန်မ စာတွေအများကြီး မဖတ်သင့်ဘူး။ ” လို့ သုံးခါ ပြောတယ်။ပြီးတော့ အကြာကြီးနှုတ်ဆိတ်ပြီး ကျွန်မကိုကြည့်နေ တယ်။ ကျွန်မ သူ့အကြည့်ကို ပြန်တုံ့ပြန်ရင်း ချောင်းတစ်ချက်ဟန့်လိုက်တယ်။ “ဒီလိုလေ။ ” လို့ ကျွန်မပြောလိုက်တော့ သူကျွန်မကို မျက်လုံးတစ်မျိုးနဲ့ ကြည့်တယ်။ ကျွန်မဆက်ပြောလိုက်တယ်။ “စာဆိုတာကတော့ မဖတ်သင့်ဘူးရယ်လို့တော့ မရှိဘူးပေါ့လေ။ အလိမ္မာစာမှာရှိလို့လည်း ဆိုကြတယ်မဟုတ်လား။” “ဒါပေမယ်လို့ စာတိုင်းက မလိမ္မာကြဘူးဆရာမ။ တချို့စာတွေ ဆိုးတယ်။” သူ ဘာဆက်ပြောမလဲလို့ ကျွန်မ စကားကိုရပ်ပြီး ခေါင်းညိတ်ပြလိုက်တယ်။ ဒါပေမယ်လို့ သူဘာမှဆက်မပြောပါဘူး။ “ကျွန်မ ဒီမှာနေရင် ကျွန်မ တခြားလူတွေနဲ့ သဟဇာတမဖြစ်မှာစိုးတယ်။ ကျွန်မ နေနိုင်မယ်မထင်ဘူး။ပြီးတော့ အစိုးရ ၀န်ထမ်းတွေရဲ့ အကျင့်တွေကို ကျွန်မမုန်းတယ်။” “ဒီမှာ အားလုံးကို သာတူညီမျှ အခွင့်အရေးတွေ ပေးထားပါတယ်။ ရှင်နေကြည့်မယ်ဆိုရင် အဆင်ပြေသွားကောင်း ပြေသွားနိုင်တာပေါ့။ ဒါကလည်း နေကြည့်မှ သိရမယ်မဟုတ်လား။” “သာတူညီမျှဆိုတာ သိပ်ကိုနားထောင်ကောင်းတဲ့ သံစကားပဲ။ ဒါပေမယ်လို့ အပြင်တကယ့်လက်တွေ့ဘ၀မှာတော့ ဘယ်မှာမှ မရှိဘူး ဆရာမ။ ဆရာမ သာတူညီမျှဆိုတဲ့ စကားကို နားထောင်နေချိန်မှာ၊ ဒါမှမဟုတ် ပြောနေချိန်မှာ လောကကြီးဟာ တကယ်တမ်း သာတူညီိ မျှရှိနေပါတယ်လို့ ပြောနိုင်သလား။” “ဘာကိုဆိုလိုပါလိမ့်။” “ဆရာမ စကားကို ဆရာမတာဝန်ယူသလား။” ဒီလူနာဟာ တော်တော်တော့ ခက်တယ်။ ကျွန်မသူ့ကို ဒီမှာထားမယ်ဆိုရင် ကျွန်မတာဝန်ယူရမယ့် သဘောသူမေးနေတယ်။ ကျွန်မ ခေါင်းညိတ်ပြလိုက်တယ်။ သူ ပြန်ပြုံးပြတယ်။ “ကျေးဇူးပါ ဆရာမ။ ဆရာမသိလား။ ကျွန်မ ဒီကိုမလာခင် လူတစ်ယောက်ကို သတ်ခဲ့တယ်။” သူ့ရဲ့ ကိုယ်ရေးရာဇ၀င်အရ သူဟာ တရားရုံးကနေ ရောက်လာတဲ့ ဧည့်သည်မှန်း ကျွန်မသိထားတယ်။ ဒါပေမယ်လို့ ကျွန်မရဲ့ ဧည့်သည်က လူသတ်မှုကြောင့် ကျွန်မတို့ဆီရောက်လာတာလို့ တွေးပုံမရဘူး။ လုပ်သင့်တဲ့ အလုပ်တစ်ခုလို့များ သူထင်နေသလား တော့ ကျွန်မ မသိဘူး။ သူခုနက ပြောသလို စာတွေအများကြီးဖတ်လို့ ဒီကိုရောက်လာတာဆိုတာကတော့ အဓိက အကြောင်းရင်း မဟုတ်ဘူး။ ဒါကို သူမသိဘူး။ သူမသိဘူးဆိုတာကို သူမသိဘူး။ ဒါပေမယ်လို့ သူမသိဘူးဆိုတာကို ကျွန်မသိတာကြောင့် သူ့ကို ခေါင်းညိတ်ပြလိုက်တယ်။ သူက ခါးကို မတ်မတ်ထားပြီး အသက်၀၀ရှူလိုက်တယ်။ ကြည့်ရတာ သူ့အကြောင်း သူပြောတော့မယ့်ပုံပဲ။ ခဏနေတော့ မတ် ထားတဲ့သူ့ခါးက ပြန်ပြီးကိုင်းညွှတ်သွားတယ်။ “ဖောက်ပြန်တယ်ဆိုတာကို ဆရာမ သဘောပေါက်သလား။” ကျွန်မ ချစ်သူ ကျွန်မကို မဖောက်ပြန်ဖူးဘူး။ ဒါမှမဟုတ် သူဖောက်ပြန်ဖူးသလားဆိုတာကို ကျွန်မ မသိဘူး။ ဒါမှမဟုတ် သူကျွန်မ မသိ အောင် ဖောက်ပြန်ဖူးသလား ကျွန်မ မသိဘူး။ ဒီိကိစ္စနဲ့ပတ်သက်ရင်တော့ များသောအားဖြင့် ကျွန်မတို့မိန်းကလေးတွေဟာ စိတ်ဆတ် ကြတာများတယ်ဆိုတော့။ ဖောက်ပြန် ဆိုတဲ့စကားကို သူစသုံးလိုက်တဲ့အချိန်မှာ အပေါ်ကစကားတွေဟာ ကျွန်မဦးနှောက်ထဲ ချက်ချင်း ရောက်လာတဲ့ စကားလုံးတွေဖြစ်တယ်။ ဒါပေမယ်လို့ ဖောက်ပြန်ဆိုတဲ့ စကားလုံးဟာ ဆိုလိုရင်းတွေ အများကြီးရှိနေနိုင်သေးတာမို့ သူ ဘာကိုပြောချင်သလဲဆိုတာကို ကျွန်မ ပြန်မေးဖြစ်တယ်။ “ဘယ်နေရာက လာတဲ့ဖောက်ပြန်ခြင်းကို ပြောတာပါလိမ့်။” သူက ကျွန်မ ညွှန်ပြထားရာနေရာကနေ မတ်တပ်ထရပ်လိုက်ရင်း ကျွန်မ ကျောပေးထိုင်နေတဲ့ ပြတင်းပေါက်ဆီကို လှမ်းလာတယ်။ ကျွန် မ သတိထားပြီး ခန္ဓာကိုယ်ကို မတ်ထားလိုက်တယ်။ ဒါပေမယ်လို့ သူဘာမှမလုပ်ပါဘူး။ ကျွန်မကို ကျော်သွားပြီး ပြတင်းပေါက်က အပင်ကြီးကို ငေးနေတယ်။ ကျွန်မ သူ့ကို အနှောင့်အယှက်မပေးချင်ပေမယ်လို့ ကျွန်မမှာ တခြားဂျူတီတွေ ရှိနေသေးတယ်။ သူ့တစ်ယောက်တည်းကို အချိန်ပေးဖို့ ကျွန်မမှာ အချိန်မလုံလောက်ဘူး။ ဒါကြောင့် ကျွန်မ သူ့ကို သတိပေးတဲ့အနေနဲ့ ချောင်းတစ်ချက်ဟန့်(ကြည့်)လိုက်တယ်။ သူပြန်လှည့်လာတယ်။ “ခုနက ကျွန်မတို့ ဘာကိုပြောနေပါလိမ့်။”လို့ သူ့ကိုယ်သူမေးသလို တိုးတိုးပြောတယ်။ ပြီးတော့မှ “နေရာစုံက ဖောက်ပြန်ခြင်းတွေပေါ့ ဆရာမ။ လူတွေဟာ စက္ကန့်နဲ့အမျှ စိတ်ဓါတ်တွေဖောက်ပြန်ကြတယ်။ အခြေအနေ အကြောင်းအ မျိုးမျိုးဆိုတာကို အကြောင်းပြပြီး ဖောက်ပြားကြတယ်။ သူတို့ရဲ့ စိတ်ဓါတ်ဖောက်ပြားမှုအားလုံးဟာ သူတို့နဲ့မဆိုင်သလိုလို၊ ပတ်ဝန်း ကျင်အခြေအနေတွေကြောင့်ပဲ မဖြစ်မနေ ဖောက်ပြန်ကြရသလို သူတို့ပြောကြတယ်။ ကျွန်မ သိပ်မုန်းတာပဲသိလား။” သူက စကားပြောရင်းနဲ့ ကျွန်မရှေ့က စားပွဲပေါ်မှာ လက်နှစ်ဖက်ထောက်ရင်း ကျွန်မမျက်လုံးကို သူ့ရဲ့မျက်လုံးတွေနဲ့ အနီးကပ်ကြည့် ရင်း ပြောတယ်။ “သိလား။ အဲဒါကို သိလား ဆရာမ။” စိတ်ဝေဒနာရှင်လို့ သတ်မှတ်ခံထားရတဲ့ ဧည့်သည်တစ်ယောက်နဲ့ ကျွန်မ ဒီလောက်နီးနီးကပ်ကပ်နေဖို့ မသင့်တော်ဘူး။ ဒါကြောင့် ကျွန်မ သူနဲ့ အနည်းငယ်ဝေး(မယ်ထင်ရ)တဲ့ ကုလားထိုင်နောက်မှီကို မှီထိုင်ရင်း ခေါင်းတစ်ချက်ညိတ်ပြလိုက်ရင်း ထိုင်ပါဦးလို့ပါ သူ့ကို ပြောလိုက်တယ်။ ကျွန်မ ပြောတဲ့နေရာမှာ သူမထိုင်ဘူး။ “ကျွန်မငယ်ငယ်တုန်းက ဖြစ်ခဲ့တဲ့အကြောင်းတစ်ခုကို ကျွန်မပြောပြချင်လို့ပါ ဆရာမ။ အချိန်ရရင် နားထောင်ပေးပါလား။” ကျွန်မ ခေါင်းကို ခပ်သွက်သွက်ညိတ်လိုက်ရင်း “ရပါတယ်။” လို့ ပြောလိုက်တယ်။ “ကျွန်မ အသက် ၉ နှစ်အရွယ်မှာ လူတစ်ယောက်ကို သတ်ခဲ့တယ်။” ကျွန်မ သူ့ရဲ့ အဆီအငေါ်မတည့်တဲ့စကားကို နားထောင်ရင်း သူ့ကိုယ်ရေးအကျဉ်းရေးထားတဲ့ ဖိုင်ကို မသိမသာလှန်ကြည့်လိုက်တယ်။ ဖိုင်ထဲမှာ ရေးထားချက်အရ သူ့ကိုတရားရုံးကနေ မကြာသေးခင်ကမှ ကျူးလွန်ခဲ့တဲ့ လူသတ်မှုအတွက် ဒီကိုပို့လိုက်ခြင်းပဲ။ သူပြောတဲ့ အသက် ကိုးနှစ်တုန်းကဆိုတဲ့စကားကို ကျွန်မ နားမလည်ဘူး။ ဒါမှမဟုတ် သူစိတ်ဖောက်ပြန်ပြီးများ ပြောနေတာဖြစ်မလား။ ကျွန်မ တွေး နေုတုန်းမှာ သူကျွန်မကို ဆက်ပြောတယ်။ “အဲ .. ဒါထားပါ။ ကျွန်မကို ခုံရုံးတင်ထားတဲ့ လူသတ်မှုဆိုတဲ့ စွပ်စွဲချက်ကို ကျွန်မ ဆရာမကို အရင်ရှင်းပြချင်တယ်။” သူ စကားလမ်းပြောင်းသွားပြန်ပြီ။ ရပါတယ်။ သူဘာပဲပြောပြော ကျွန်မ နားထောင်ရတာပေါ့။ သူ ကျွန်မကို တစ်ချက်ကြည့်ပြီး ဆက်ပြော တယ်။ “ကျွန်မ အသက် ၂၂ နှစ်မှာ အိမ်ထောင်ကျတယ်။ အိမ်ထောင်ကျပြီး တစ်နှစ်အကြာမှာ ကျွန်မရဲ့ အိမ်ထောင်ဖက်က ဖောက်ပြန်တယ်။ ဒီ မှာ ကျွန်မပြောတဲ့ ဖောက်ပြန်ခြင်းဆိုတဲ့စကားကို ဆရာမ နားလည်ပါလိမ့်မယ်။နော်။ ” ကျွန်မ ခေါင်းညိတ်ပြလိုက်တယ်။ “ဟုတ်ကဲ့” လို့ပါ ပါးစပ်က ပြောလိုက်တယ်။ “တစ်ကြိမ်၊ နှစ်ကြိမ်၊ သုံးကြိမ် မြောက်မှာ နှစ်ခါ ဖောက်ပြန်တယ်။ ပထမ အကြိမ်တွေကတည်းက သူကျွန်မကို အမှန်အတိုင်း ၀န်မခံဘူး။ နောက်ဆုံး အကြိမ်ရောက်မှ သူမှားခဲ့ပါတယ်လို့ ပြောတယ်။ ဒါပေမယ်လို့ သူမှားရုံ မှားခဲ့တာပါ၊ ဖောက်ပြန်ခဲ့တာ မဟုတ်ပါဘူးတဲ့။ ဖောက်ပြန်တယ်ဆိုတာကို ဆရာမ ဘယ်လို နားလည်ထားသလဲ။” ကျွန်မကို မေးတာလားလို့ ကျွန်မ ပြန်ဖြေမိတော့မလို့ပဲ။ ဒါပေမယ်လို့ ကျွန်မကို မေးတာမဟုတ်ဘူး။ သူ့အမေးကို သူဟာသူ ဆက်ဖြေ တယ်။ “ကျွန်မ ခံယူထားတဲ့ဖောက်ပြန်ခြင်း .. အင်း .. အိမ်ထောင်ရေး ဖောက်ပြန်ခြင်းဆိုတာကတော့ ကိုယ့်အိမ်ထောင်ဖက်အပေါ်မှာ ကိုယ်ခံ ယူထားတဲ့ ခံယူချက်အတိုင်း တစ်ဖက်က မခံယူနိုင်ဘူးဆိုရင် ဒါဖောက်ပြန်တာပဲပေါ့။” သူ ပြောတာကို စိတ်ရောဂါသည်တစ်ယောက်က ပြောနေတယ်ဆိုတာထက် လူအချင်းချင်း စကားပြောနေတယ်လို့ ကျွန်မ ထင်စပြုလာ တယ်။ ဘာကြောင့်လည်းဆိုတော့ သူပြောတဲ့စကားတွေက သာမန်အမျိုးသမီးတစ်ယောက် ဘ၀မှာ ကြုံတွေ့ရမယ့် အခက်အခဲတစ်ခု ကို ဆွေးနွေးနေတာလို့ ကျွန်မ ထင်လိုက်မိတာမို့ပဲ။ ကျွန်မလည်း မိန်းကလေးတစ်ယောက်ဖြစ်တာမို့ သူပြောတဲ့အကြောင်းအရာနဲ့ တစ်ချိန်ချိန်မှာ ပတ်သက်(ကောင်းပတ်သက်)လာနိုင်တယ်။ ဒါကြောင့် ကျွန်မ အနည်းငယ် စိတ်ဝင်စားစပြုလာတယ်။ “အရှင်းဆုံး ပြောရရင်တော့ ဆရာမရယ် ..။ ကျွန်မခုနက ကျွန်မဟာ သာမန်မိန်းကလေးပါလို့ ပြောပြီးပြီနော်။ အဲ .. ဟုတ်ပြီ။ တကယ် တော့ ကျွန်မ သူနဲ့ချစ်သူဖြစ်စအချိန်ကတည်းက ကျွန်မရဲ့ ခံယူချက်ကို ပြောင်းခဲ့တယ်။ သူနဲ့ပတ်သက်ပြီးနောက်ပိုင်းမှာ ကျွန်မကို ကမ်း လှမ်းလာတဲ့လူတစ်ချို့ကို ကျွန်မ ကြုံခဲ့ရတယ်။ ဒါပေမယ်လို့ ကျွန်မ သူကလွဲလို့ တခြားယောကျာ်းလေးဆိုတာတွေကို သာမန်လူတစ် ယောက်ဆိုတာလောက်ပဲ သဘောထားဆက်ဆံခဲ့တယ်။ အိမ်ထောင်ကျပြီးတော့လည်း ဒီအတိုင်း ကျွန်မသူကလွဲလို့ တခြားယောကျာ်း သားတွေနဲ့ တွေ့တဲ့အခါမှာ သာမန်ခံစားချက်တစ်ခုအတိုင်းပဲ ကျွန်မခံစားခဲ့တယ်။ သူနဲ့ အိမ်ထောင်ရေးမှာ တစ်ခါတစ်လေ ကတောက် ကဆဖြစ်တဲ့အချိန်တွေတောင်မှပေါ့။ တခြားယောကျာ်းတစ်ယောက်နဲ့ ကျွန်မရဲ့ လက်ရှိခံစားနေရတဲ့ အပူတွေကို မျှဝေခံစားနိုင်တဲ့ အ ခွင့်အရေး ကျွန်မမှာ ရခဲ့တဲ့တိုင်အောင်တွေမှပေါ့။” ကျွန်မ အသက်ငယ်ငယ်မှာ ကျွန်မရဲ့ အဖေဟာ ကျွန်မတို့မိသားစုကို ထားပြီးထွက်သွားခဲ့တယ်။ အခုမှတွေ့တဲ့ မိန်းကလေးအသစ်တစ် ယောက်ကို တွေ့ပြီးတဲ့အချိန်မှာပေါ့။ အဲဒီအချိန်ကတည်းက ကျွန်မအဖေရဲ့ အကြောင်းကို ကျွန်မ အခုအသက်အရွယ်အထိ လုံးဝမကြား ခဲ့ရတော့ဘူး။ သေပြီလို့ ကျွန်မထင်ပါတယ်။ “ဒါပေမယ်လို့ သူကတော့ အဲဒီလို မဟုတ်ဘူးဆရာမ။ ကျွန်မတို့ရဲ့ အိမ်တွင်းရေး ကတောက်ကဆတ်တွေကို ကျွန်မမဟုတ်တဲ့ တခြား မိန်းမတစ်ယောက်နဲ့ အတူမျှဝေခံစားခဲ့တယ်။ သူမဖောက်ပြန်ခဲ့ဘူးဆိုပေမယ်လို့ ဒါကို ကျွန်မက ဖောက်ပြန်တယ်လို့ ယူဆခဲ့တယ်။ ယူ ဆသင့်တယ်လို့ ကျွန်မယုံကြည်တယ်။ ကျွန်မရဲ့ အိမ်ထောင်ရေးအခက်အခဲနဲ့ ကျွန်မရဲ့ အိမ်ထောင်ဖက်အပေါ်မှာ မကျေနပ်သမျှကို ကျွန်မ အခုအချိန်အထိ ဆရာမကိုကလွဲလို့ပေါ့လေ။ ဘယ်သူ့ကိုမှ ရင်မဖွင့်ခဲ့ဖူးဘူး။ ဒီတိုင်း မျိုသိပ်နေထိုင်ခဲ့တယ်။တခြား တစ်ယောက် အပေါ်မှာ ကျွန်မ ရင်ဖွင့်လိုက်မယ်ဆိုရင် အဲဒီတစ်ယောက်ဆီက ရလာမယ့် ဟန်ဆောင်တာဖြစ်ဖြစ် စာနာမှုတွေမျိုး၊ ကြင်နာမှုတွေမျိုးကို ကျွန်မ မလိုချင်ခဲ့လို့ပဲ။ ကျွန်မ မလိုချင်တဲ့တစ်ခြားတစ်ယောက်ဆီက ကြင်နာမှုတွေ စာနာမှုတွေကို သူကျတော့ လိုချင်ခဲ့သတဲ့။ ” ဒီစကားကို ပြောနေချိန်မှာ သူ အံတစ်ချက်ကြိတ်လိုက်တာကို ကျွန်မ မြင်လိုက်တယ်။ “အဲဒီ အမျိုးသမီးငယ်ဟာ သူ့ရဲ့ရင်ဖွင့်ဖော် ဖြစ်လာတာနဲ့အညီ ကျွန်မအပေါ်မှာ အဲဒီအမျိုးသမီးရဲ့ ရွံရှာမုန်းတီးစိတ်ဟာ တဖြည်းဖြည်း နဲ့ ပြင်းထန်လာတယ်။ သူနဲ့ ကျွန်မ တစ်ခါမှမမြင်ဖူးတာတောင်မှပေါ့။ ကျွန်မအိမ်ထောင်ဖက်ရဲ့ ကျွန်မအပေါ်မှာ မကျေနပ်တဲ့ မကျေနပ် ချက်တွေ၊ ပြီးတော့ ကျွန်မတို့ အိမ်တွင်းရေးမှာဖြစ်ပျက်နေတဲ့ နှစ်ယောက်တည်းသာသိတဲ့ အခက်အခဲနဲ့ မပွင့်လင်းမှုတွေကို အဲဒီအမျိုး သမီးငယ်လေးက အကုန်သိနေခဲ့သတဲ့။ ဒါနဲ့ပဲ အဲဒီအမျိုးသမီးလေးဟာ ကျွန်မအပေါ်မှာ မုန်းသထက် မုန်းလာခဲ့တယ်။” “ကျွန်မ သူတို့နှစ်ယောက် အဆက်အသွယ်ပြတ်သွားဖို့ သုံးနှစ်တိတ်ိကြိုးစားခဲ့တယ်။ ဒီကြားထဲမှာ ကျွန်မတစ်ရက်မှ အမှန်အတိုင်း မ ပျော်ရွှင်နိုင်ခဲ့ဘူး။ ကျွန်မ အိမ်ိထောင်ဖက်ကိုမြင်တိုင်း ကျွန်မ မသိစိတ်က မုန်းတီးနေခဲ့တယ်။ မသိစိတ်ရဲ့ သိမှုကို ကျွန်မသိနေတဲ့အ တွက် ကျွန်မသူ့ကို မုန်းမုန်းလာတယ်။ နောက်ဆုံး ကျွန်မ ဆုံးဖြတ်ချက်တစ်ခုကို လုပ်ခဲ့တယ်။ ” ဒီစကားအဆုံးမှာ သူကျွန်မကို ဖျတ်ခနဲ လှမ်းကြည့်တယ်။ သူ့အပြုံးက တစ်စုံတစ်ခုကို အောင်နိုင်လိုက်သူအပြူံးမျိုး။ “ကျွန်မ ဘာလုပ်လိုက်လဲသိလား။ နှစ်လအတွင်း အဲဒီအမျိုးသမီးလေးဆိုတာကို ကျွန်မရအောင်စုံစမ်းတယ်။ သူနေထိုင်ရာ ပတ်ဝန်းကျင် ထဲ ၀င်ဆံ့အောင် ကျွန်မနေလိုက်တယ်။ သူနဲ့ရင်းနှီးလာအောင် ကျွန်မကြိုးစားလိုက်တယ်။ နောက်ဆုံး သူနဲ့ရင်းနှီးနေတဲ့ ပတ်ဝန်းကျင် မှာ ကျွန်မနံမည်ကိုပါ ပြောင်းပစ်လိုက်တယ်။ လေးလကြာပြီးတဲ့နောက်မှာ သူ့ကို ကျွန်မနဲ့ တူတူနေဖို့ ဖိတ်ခေါ်တဲ့အခါ သူလက်ခံခဲ့ တယ်။” ကျွန်မ သူ့ကို မေးခွန်းထုတ်သလို ကြည့်လိုက်တယ်။ သူ ကျွန်မကို ရုတ်တရက်တစ်ချက်ကြည့်ရင်း ပြုံးပြီးဆက်ပြောတယ်။ “ဘယ်လို တူတူနေတာလဲဆိုတော့ လိင်တူချင်းဆက်ဆံလိုက်တာကို ပြောတာပဲပေါ့။” ကျွန်မ ကြက်သီးဖျန်းခနဲ တစ်ချက်ထသွားတယ်။ ကျွန်မရှေ့မှာ ရှိနေတဲ့ ဧည့်သည်ဟာ ကိုယ့်ခင်ပွန်းရဲ့ ရင်ဖွင့်ဖော်ဖြစ်ခဲ့တဲ့ အမျိုးသမီးနဲ့ ထပ်ဆင့် ဖောက်ပြားခဲ့သူပါလား။ ပုံမှန်ဖြစ်ရိုးဖြစ်စဉ်အတိုင်း တွေးကြည့်မယ်ဆိုရင် ကျွန်မရဲ့ဧည့်သည်စိတ်ထဲမှာ ဒီအမျိုးသမီးကို ဘယ့် ကလောက်တောင်မှ မုန်းတီးရွံရှာနေလ်ိမ့်မလဲ။ မကြည့်ချင်လောက်အောင် မကြားချင်လောက်အောင်ကို ဖြစ်နေ(ကောင်းဖြစ်နေ)လ်ိမ့် မယ်။ ဒီလို အမျိုးသမီးမျိုးကို လိင်တူချင်းဆက်ဆံဖို့ သူအကြံရသတဲ့။ သူဆက်ပြောတာကို ကျွန်မငြိမ်ငြိမ်ိလေး (ဒါပေမယ်လို့ ငြိမ့်ငြိမ့် တုန်တုန်လှုပ်လှုပ်ကလေး) နားထောင်လိုက်တယ်။ “သူဟာ ကျွန်မထက်ကို လိင်စိတ်ပြင်းထန်တဲ့ အမျိုးသမီးပဲဆရာမ။ ဒါပေမယ်လို့ ကျွန်မလောက်တော့ ဆရာ ဘယ်ကျမလဲ။ နှစ်ခါ မြောက်အတူနေပြီးတဲ့အခါမှာ သူကျွန်မကို အစွဲကြီးစွဲသွားခဲ့တယ်။ ကျွန်မကို မတွေ့ရမနေနိုင်ဖြစ်လာတယ်။ နောက်ဆုံး ဘယ့်လောက် တောင်မှလဲဆိုရင် သူ့ကို အိမ်ထောင်ရေးမပြေလည်လို့ ရင်ဖွင့်နေရှာတဲ့ ယောကျာ်းတစ်ယောက်ရှိတယ်ဆိုတာရယ်၊ သူတို့အချင်းချင်း ပို့ထားကြတဲ့ ခေါ်ထားကြတဲ့ Message တွေနဲ့ ဖုန်း Call တွေကိုပါ ကျွန်မကို ပြလာတဲ့အထိ ပွင့်လင်းလာခဲ့တယ်။ အဲဒီအချိန်မှာ ကျွန်မ က သူ့ရဲ့ရင်ဖွင့်ဖော်ဖြစ်နေပြီး သူက ကျွန်မအိမ်ထောင်ဖက်ရဲ့ ရင်ဖွင့်ဖော်တစ်ယောက် ဖြစ်နေပြီ။ အဲဒီအမျိုးသမီးလေးရဲ့ အပြောအရ တော့ “တစ်နေ့နေ့တစ်ချိန်ချိန် အဆင်ပြေတဲ့အချိန်မှာ သူ့ယောကျာ်းနဲ့ အတူတွဲအိပ်နေတဲ့ပုံတွေ ကြင်နာနေတဲ့ပုံတွေကို ဓါတ်ပုံရိုက် ပြီး အဲဒီမိန်းမကို မြင်အောင်ပြဖြစ်အောင် ပြဦးမှာ။” တဲ့။ ဘာကြောင့် ဒီလိုလုပ်ချင်ရတာလဲလို့ ကျွန်မမေးတော့ သူကဖြေတယ်။ ရိုးရိုးလေးပဲ။ “ အဲဒီ မိန်းမကို မုန်းလို့။” တဲ့ ။ ဘာကြောင့်မုန်းလဲ ဆိုတဲ့ အဖြေကိုတော့ သူဝေ့လည်ကြောင်ပတ်နဲ့ ပြန်မဖြေခဲ့ဘူး။ ဒါဆို အဲဒီယောကျာ်းကို ရပြီးတဲ့နောက်ပိုင်း ငါ့ကို အဆက်ဖြတ်ပစ်မှာ လားလို့ မေးလိုက်တဲ့ ကျွန်မ အေ မးကိုတော့ သူက ပြုံးပြီးခေါင်းခါပြခဲ့တယ်။ ကျွန်မ သူ့ကို အကြိမ်ကြိမ်ဖြည့်ဆည်းပေးခဲ့တယ် ဆရာမ။ သူ ဘယ်လိုမှရုန်းမထွက်နိုင်တာ သေချာလောက်တဲ့အထိပဲပေါ့။” ကျွန်မ စိတ်ထဲမှာ ကျွန်မရဲ့ ဧည့်သည်ကို ချီးမွမ်းနေမိတယ်။ လူတွေပြောနေကြသလို ရူးရင်ရူး၊ မရူးရင် ထူးမယ်ဆိုတဲ့ အမျိုးသမီးမျိုးဖြစ် မယ်လို့ ကျွန်မကောက်ချက်ချလိုက်တယ်။ ဒါပေမယ်လို့ ရူးတယ်မရူးဘူးဆိုတာကို ကျွန်မ သေချာမသိဘူး။ “တစ်နေ့ ကျွန်မသူနဲ့ လိင်ဆက်ဆံဖို့ အပေါ်ထပ်ကို တက်လာရင်း လှေကားပေါ်ကနေ တွန်းချလိုက်တယ်။ သူက ချက်ချင်းအသက်မ ထွက်ဘူး။ မျက်လုံးကြီး ပြုးပြီး လှေကားအောက်ကနေ ကျွန်မကို မော့ကြည့်နေတယ်။ သူသိပ်သိချင်နေတဲ့ သူ့ကိုဘာကြောင့် ဒီလိုလုပ် သလဲဆိုတဲ့ အကြောင်းပြချက်ကို သူအသက်မထွက်ခင်ကလေးမှာ ကျွန်မပြန်ပေးလိုက်နိုင်တယ်။ ကျွန်မဟာ သူသိပ်မုန်းတီးရွံရှာနေတဲ့ မိန်းမဖြစ်တယ်ဆိုတာကိုပေါ့။ သူမျက်လုံးကြီး ပိုပြူးလာတယ်။ ပြီးတော့ ခေါင်းငိုက်စိုက်ကျသွားတယ်။” ကျွန်မ ရင်ထဲဒိန်းကနဲဖြစ်သွားပြီး သူ့ကိုကြည့်လိုက်တယ်။ သူက ကျွန်မကို ကြည့်မနေဘူး။ အောင်နိုင်သူ စစ်သူကြီးတစ်ယောက်လို မိန့် မိန့်ကြီးပြုံးပြီး မျက်နှာကြက်ဖြူဖြူကိုမော့ကြည့်နေတယ်။ ကျွန်မ သိထားတာ လူသတ်မှုပေမယ်လို့ သူ့အိမ်ိထောင်ဖက်ကို သတ်တဲ့ အမှု ပဲ။ သူ့အိမ်ထောင်ဖက်ရဲ့ ရင်ဖွင့်ဖော်မိန်းကလေးကို သတ်မှုလို့ စစ်ချက်ထဲမှာ မပါဘူး။ ကျွန်မ သူပြောနေတဲ့စကားတွေကို အမှန်ယူရ မှာလို၊ အတည်ယူရမှာလိုတွေ ဖြစ်လာတယ်။ ကျွန်မ ရင်တွေခုန်လာတယ်။ “ဒါပေမယ်လို့ ကျွန်မကိုခုံရုံးတင်လိုက်တဲ့ စစ်ချက်က အဲဒါ မဟုတ်သေးပါဘူး။ သူ့ကိုသတ်လိုက်တဲ့ အမှုကိုလည်း ဘယ်သူမှ မသိကြ သေးဘူး။ ဘယ်တော့မှလည်း အဲဒီသတ္တ၀ါကို သတ်လိုက်တဲ့ကိစ္စလေးကြောင့် ကျွန်မကို ခုံရုံးတင်ကြမှာ မဟုတ်ပါဘူး။ လူမဆန်တဲ့ သတ္တ ၀ါဟာ ဘယ်မှာ လူဟုတ်မလဲ။ လူမဟုတ်တဲ့ သတ္တ၀ါတစ်ကောင်ကို သတ်လိုက်လို့ ကျွန်မတို့နိုင်ငံမှာ အပြစ်မဖြစ်ပါဘူး ။ ဟုတ်တယ်မ ဟုတ်လား ဆရာမ။” သူ့စကားကို ကျွန်မ တုံ့ပြန်ဖို့ အချိန်မရလိုက်ိခင်မှာပဲ သူစကားဆက်ပြောတယ်။ “ကျွန်မ ချက်ချင်းအိမ်ိကိုပြန်တယ်။ ကျွန်မရဲ့ အိမ်ထောင်ဖက်ကို အလျှဉ်းသင့်သင့်ပဲ တွေ့ရတယ်။ ကျွန်မနဲ့ သူ့ရဲ့ရင်ဖွင့်ဖော် မိန်းက လေးတို့ရဲ့ ချစ်ခြင်းတွေကို သူ့ကိုပြလိုက်တယ်။ သူ ပထမတော့ မယုံကြည်သလို၊ နောက်တော့ အယုံကြည်လွန်သွားသလို ၊နောက်ဆုံး စိတ်ဖောက်ပြန်သွားသလို ကျွန်မကို အသံနက်ကြီးနဲ့အော်တော့တယ်။ ကျွန်မ အဲဒီအမျိုးသမီးကိုသတ်လိုက်တယ်လို့ပါ သူ့ကိုဝန်ခံ လိုက်တယ်။ အဲဒီအမျိုးသမီးဆီက ထွက်ကျလာတဲ့ဦးနှောက်အပိုင်းအစလေးကို သူ့ကိုထုတ်ပြလိုက်တယ်။ သူလုံးဝ ရူးသွပ်ကြောက်ရွံ့ သွားသလို အော်ဟစ်သောင်းကျန်းတော့တယ်။ ခဏနေတော့ သူပြန်တည်ငြိမ်သွားပြီး ကျွန်မကို တောင်းပန်တယ်။ သူမှားခဲ့ပါတယ်လို့ ပေါ့။ သူ့ကိုခွင့်လွှတ်ပါလို့ပေါ့။ အကြိမ်ပေါင်းများစွာ ကျွန်မအပေါ်မှာ ကိုယ်ချင်းမစာမနာနဲ့ အမှားတွေ လုပ်ခဲ့တဲ့သတ္တ၀ါတစ်ကောင်ကို ကျွန်မ ဘာကြောင့်ခွင့်လွှတ်ရမှာ တဲ့လဲ။ ကျွန်မ ခေါင်းခါပြလိုက်တယ်။ ပြီးတော့ သူ့ကို ကျွန်မရင်ခွင်ထဲမှာထည့်ပြီး သူ့ရဲ့ အသည်းနှလုံးဆီသွားမယ့် နောက်ကျောနေရာ ကို ဓါးနဲ့နှစ်ချက်ထိုးလိုက်တယ်။” ဘုရား .. ။ ခင်ပွန်းသည်ရဲ့ နောက်ကျောကို ဓါးနဲ့ထိုးလိုက်တယ်လို့ တရားရုံးကပို့လိုက်တဲ့ဖိုင်တွဲထဲမှာ ရေးထားပေမယ်လို့ သူပြောသ လိုတော့ မပြ့ည့်စုံဘူး။ ကျွန်မ တုန်လှုပ်စပြုလာတယ်။ ဒီအတိုင်းလောက်ဆို ကျွန်မ ရုံးခန်းရှေ့မှာ စောင့်နေမယ့် ရဲအစောင့်ကို ၀င်လာခဲ့ဖို့ ခေါ်သင့်ပြီ မဟုတ်လား။ “ဆရာမ သိလား။ တကယ်တမ်း ကျွန်မဖြစ်ခဲ့တဲ့ လူသတ်မှုက ကျွန်မ အသက်ကိုးနှစ်မှာ ဖြစ်ခဲ့တာ။” အသက်ကိုးနှစ် ? ? ? ကျွန်မ လည်ချောင်းတွေ ခြောက်ကပ်လာတယ်။ “အဲဒီတုန်းက အဲဒီကောင်လေးက ကျွန်မရဲ့ ကစားဖော်ပဲ။ သူ့ရဲ့အဖေဟာ ကျွန်မတို့မိသားစုရဲ့ ဘဏ္ဍာစိုးတစ်ယောက်ပဲ။ တစ်နေ့မှာ ကျွန်မမွေးထားတဲ့ ခွေးက ကျွန်မတို့နဲ့ကစားရင်းနဲ့ သူ့သားခြေထောက်ကို သွားနဲ့ခြစ်မိလိုက်တယ်။ ဒါကို ကောင်လေးရဲ့အဖေက သူ့သားခွေးကိုက်ခံရပါပြီဆိုပြီး အဲဒီခွေးကို သတ်ပေးဖို့ ကျွန်မအမေကို တရစပ်တောင်းဆိုလာတော့တယ်။ ကျွန်မတို့က ငြင်းလေ၊ အဲဒီလူက တောင်းဆိုလေ။ အသက်တစ်ချောင်းနဲ့ ဘ၀ရလာတဲ့ အရာတစ်ခု ကို သူဘာကြောင့် အဲဒီအသက်ကို ရပ်တန့်ပစ်ဖို့ တောင်းဆိုနေရတာလဲဆိုတာကို ကျွန်မ မတွေးတတ်တော့ဘူး။ အဲဒီလူဟာ ခွေးနဲ့ ပတ်သက်ပြီး စိတ်ဖောက်ပြားလာတယ်။ ကျွန်မတို့ကို စကားမပြောတော့ဘူး။ ကျွန်မနဲ့ သူ့သားကို ပေးမကစားတော့ဘူး။ နောက်ဆုံး အရက်တွေ မူးလာပြီး ကျွန်မတို့ ခွေးကိုမသတ်ပေးဘူးဆိုရင် ကျွန်မတို့အိမ်ကိုမီးနဲ့ ရှို့မယ်လို့ပါ ခြိမ်းခြောက်မှုတွေ လုပ်လာတယ်။ ကျွန်မ သိပ်ကိုစိတ်ဆိုးခဲ့တယ်။ အသက်တစ်ချောင်းနဲ့ အသက်ရှူနေရတဲ့ ကျွန်မတို့ခွေးလေးဟာ မကြာခင်အချိန်မှာပဲ အသတ်ခံလိုက်ရ တယ်။ ကျွန်မ ရက်ပေါင်းများစွာ အိပ်ယာထဲလဲခဲ့တယ်။ ဘာအပြစ်မှမရှိတဲ့ ကျွန်မရဲ့ သတ္တ၀ါလေးဟာ သေဆုံးသွားရပြီ။ ကျွန်မ သူ့ကိုကောင်းကောင်းမွန်မွန်တောင် မြေမြှုပ်မပေးခဲ့နိုင်ဘူး။ ကျွန်မ အမေ့ကိုမေးခဲ့တယ်။ ဘာကြောင့်လဲလို့ပေါ့။ အမေက ဖြေ တယ်။ “ ဒီလိုရှိတယ်သမီး။ အမေတို့မိသားစုမှာ ယောကျာ်းသားရယ်လို့ မရှိဘူး။ ဒါကြောင့် အမေတို့ရဲ့ စည်းစိမ်ဥစ္စာတွေကို အမေတို့ မိန်းမသားအင်အားလေးနဲ့ ဘယ်လိ်ုမှ မကာကွယ်နိုင်ဘူး။ အမေတို့ကို ခြံစောင့်တစ်ယောက်လို အိမ်စောင့်တစ်ယောက်လို စောင့်ရှောက် ပေးနေတဲ့ ဒီလူကြီးမှမရှိရင် အမေတို့ မွဲသွားမှာပေါ့။ ပတ်ဝန်းကျင်ရဲ့ အန္တရာယ်နဲ့ အနှောင့်အယှက်တွေ အချိန်မရွေးဝင်လာမှာပေါ့။ ဒါ ကြောင့် ဒါတွေအားလုံးကို ထောက်ပြီး သမီးရဲ့ခွေးလေးအသက်နဲ့ လဲလိုက်ရတာပဲ” လို့ ခပ်တိုတို ရှင်းပြတယ်။ အမေ့ရဲ့ သူရဲဘောကြောင်မှုကို ကျွန်မ မုန်းတီးလာခဲ့တယ်။ သူစိမ်းယောက်ျားတစ်ယောက် မရှိရင် မဖြစ်တော့ဘူးလို့ ယူဆထားတဲ့ သူ့ ရဲ့ခပ်ညံ့ညံ့ အယူအဆကို ကျွန်မတွန်းလှန်ပစ်ဖို့ ကြိုးစားတယ်။ သူကလက်မခံခဲ့ဘူး။ အမေနဲ့ ကျွန်မ သဘောထားတွေ ကွဲလွဲပြီး နောက်တစ်ရက်မှာ အမေဟာ ခြံထဲမှာ လမ်းလျှောက်နေခဲ့တယ်။ ဒါကို ကျွန်မ အပေါ်ဆုံးထပ် ၀ရန်တာကနေ လှမ်းမြင်နေရတယ်။ အမေ့ ရဲ့ သနားစရာကောင်းလှတဲ့ ပျော့ညံ့လှတဲ့အယူအဆ အဟောင်းအမြင်းကြီးတွေနဲ့ ကျွန်မတို့ သားသမီးတွေအပေါ်မှာ ဘယ်လို ရှေရည် ထိန်းသိမ်း စောင့်ရှောက်နိုင်ပါ့မလဲ။ ကျွန်မ အမေ့ကို ငုံ့ကြည့်ရင်း သနားစိတ်ဝင်လာတယ်။ အမေ့ကို ဒီလိုပျော့ညံ့ညံ့ အသက်မရှင်စေချင်ဘူး။ ဒါနဲ့ ကျွန်မ ဘေးမှာထားထား တဲ့ ပန်းအိုးအကြီးတစ်လုံးကို အမေ့ခေါင်းပေါ်ရွယ်ပြီး ကန်ချလိုက်တယ်။ ပန်းအိုးကြီး အမေ့ခေါင်းပေါ်ပြုတ်ကျသွားတဲ့အသံပဲကြားလိုက်ရ ပြီး အမေဟာ ငြိမ်သက်သွားခဲ့တယ်။ ကျွန်မ အမေ့ကို ကယ်တင်ခဲ့တာ။ အမေဟာ ပျော့ညံ့တဲ့ဘ၀တစ်ခုကို အဆုံးသတ်လိုက်ပြီ။ အမေ မပျော့ညံ့တော့ဘူး။ ကျွန်မ ၀မ်းသာတဲ့စိတ်ိနဲ့ အောက်ထပ်ကို ဆင်းလာခဲ့တယ်။” ဒီလိုအရူးမျိုးလည်း ရှိသေးတာပဲလား။ ဒါဆိုရင် သူ့ရဲ့ယောကျာ်းကို သတ်ခဲ့တာတွေ ၊ သူ့ယောကျာ်းရဲ့ ရင်ဖွင့်ဖော်ကို သတ်ခဲ့တာတွေ ဟာ လူမပီသတဲ့လူတွေကို သတ်ခဲ့တာကြောင့် ဒါဟာ လူသတ်မှုတွေ မဟုတ်ဘူးလို့ သူယူဆနေတာလား။ သူ့ရဲ့လူသတ်မှုဆိုတာ ဘယ်တုန်းက သတ်ခဲ့တဲ့ လူသတ်မှုကို ရည်ရွယ်ပြီးပြောနေတာလဲ။ မတော်တဆ အနီးဆုံးမှာ ရှိနေတဲ့ ကျွန်မကို ထပြီးလည်ပင်းညှစ် လိုက်ရင်ဆိုတဲ့ အတွေး ကျွန်မမှာ ၀င်လာတယ်။ ရုတ်ချည်း ကျွန်မ သူ့ကိုကြောက်ရွံ့လာတယ်။ ကျွန်မ ထိုင်နေရာက ထရတော့မယ်။ ကျွန်မ ဒီအရူးနဲ့ဝေးရာကို ထွက်ပြေးရမယ်။ ဒီအရူးကိုဖမ်းခိုင်းပြီး တစ်သက်လုံး ပြတင်းပေါက်မရှိ တဲ့ အခန်းထဲမှာ ထိုင်ခိုင်းထားရမယ်။ ဒါမှ ကျွန်မတို့ လူမှုအဖွဲ့အစည်းအတွက် အန္တရာယ်ကင်းနိုင်မယ်။ ကျွန်မထိုင်ရာက ထဖို့ရည်ရွယ်လိုက်တဲ့အတွေးကို သူသိသွားပုံရပြီး ကျွန်မနားကို ဖျတ်ခနဲ သွက်လက်မှုနဲ့ သူရောက်လာတယ်။ ကျွန်မ တစ်ကိုယ်လုံး သူ့ကိုကြောက်စိတ်ကြောင့် တုန်ရီနေပြီ။ သူက ကျွန်မပခုံးတွေကို ဆွဲဖိရင်း ကျွန်မနဲ့ မျက်လုံးချင်းဆုံဖြစ်အောင် ဆုံအောင် လိုက်ကြည့်တယ်။ မတတ်သာတဲ့အဆုံး တုန်ရင်ကြောက်လန့်နေတဲ့ စိတ်ကြီးနဲ့ ကျွန်မသူ့ကို ပြန်ကြည့်ဖြစ်တယ်။ “ဆရာမရော လူတကယ်ဟုတ်ရဲ့လား။” အဲဒီအမေးကို သူတစ်လုံးချင်းစီ ခွဲပြီး ကျွန်မကို မေးတယ်။ ကျွန်မ ထိုင်နေရာက ရုန်းဖယ်ထသင့်ပြီ။ ကျွန်မ တကယ်လူဟုတ်မဟုတ် ကျွန်မ မသေချာဘူး။ ကျွန်မရဲ့ မျက်လုံးထဲမှာရှိနေတဲ့ တစ်စုံတစ်ခုကို သူရှာတွေ့ခဲ့ရင် သူကျွန်မကို သတ်ပစ်လိုက်နိုင်တယ်မဟုတ်လား။ ကျွန်မ မျက်လုံးကို စုံမှိတ်ပစ်လိုက်ရင်း အခန်းရှေ့မှာရှိနေမယ့် အစောင့်ကို အော်ခေါ်ပစ်လိုက်တယ်။ ရုန်းရင်းဆန်ခတ်အသံအချို့ကြားရပြီးနောက်မှာ ကျွန်မရဲ့ ဧည့်သည်ဟာ ပြတင်းပေါက်မရှိတဲ့ အခန်းတစ်ခန်းထဲကို ရောက်သွားတယ်။ ကျွန်မ အဲဒီဧည့်သည်အခန်းရှေ့က ဘယ်တော့မှ ဖြတ်မလျှောက်ဘူး။ သူက သူ့အခန်းရှေ့မှာရှိနေတဲ့ သံတိုင်တွေကာရံထားတဲ့ အပေါက်ကနေ ကျွန်မကို ရှာရှာနေတတ်တယ်။ တွေ့တိုင်းလည်း ကျွန်မကို “ဟိုင်းဆရာမ။ ဒီနေ့ နေကောင်းရဲ့လား။” လို့ အမြဲနှုတ်ဆက်တတ်တယ်။ 

 C.Painnaung 3/6/2014 (1:50PM) (Thursday) Ygn.