အပြင်မှာတကယ်ရှိတဲ့ဇာတ်ကောင် (1)

            သူ ကျွန်မဆီဖုန်းဆက်တော့ မနက်သုံးနာရီ ကျော်နေပြီ။ သူက အမြဲအဲဒီလိုပဲ ။ ကျွန်မဆီကို ဖုန်းဆက် ရင် ညဥ့်အနက်ကြီး ၊ ဒါမှမဟုတ် မနက်အစောကြီးတွေမှာပဲ ဆက်တတ်တယ်။ တစ်ခါတစ်ရံမှာတော့ မနက်ပိုင်း တွေမှာ အလုပ်အရမ်းရှုပ်ခဲ့တဲ့အတွက် မောမောပန်းပန်းနဲ့ ကျွန်မအိပ်ပျော်နေတတ်ပေမယ့် တစ်ခါတစ်ရံ အခု လိုအခါမျိုးမှာတော့ ကျွန်မ မအိပ်သေးတဲ့အချိန်နဲ့ သူဖုန်းဆက်တဲ့အချိန်က အံကိုက်နေတတ်တယ်။ တကယ် တမ်း ကျွန်မ သူ့ဖုန်းနံပါတ်ကို မသိပါဘူး။ သူဖုန်းဆက်လိုက်တိုင်းမှာ သူ့ဖုန်းနံပါတ်ဟာ ကျွန်မဖုန်းမှာ မပေါ်ဘူး ။ အမြဲ သုညသုံးလုံး ၊ ဒါမှမဟုတ် ဂဏန်းတွေအများကြီး ပေါ်လာတတ်တယ်။ သူ ကျွန်မဆီ လေးခါမြောက် ဖုန်း ဆက်ပြီးတဲ့ အခါမှာတော့ ဖုန်းနံပါတ်တွေ အဲဒီလို ဗြောက်သောက်ပေါ်နေရင် သူ့ဆီက ဖုန်းပဲလို့ ကျွန်မ သိလာ ခဲ့တယ်။

            သူဖုန်းဆက်တဲ့အချိန်က ကျွန်မ စတူဒီယိုခန်းထဲမှာ ဓါတ်ပုံတွေ ကူးနေတဲ့အချိန် ဖြစ်နေတယ်။ ကျွန်မရဲ့ စာရေး စားပွဲပေါ်မှာ ဆဲလ်ဖုန်းက မြည်လို့။ ဘေးမှာတော့ ကျွန်မ ညဥ့်ဦးပိုင်းက ဖျော်ပြီး မသောက်ဘဲထား ထား ခဲ့မိတဲ့ ကော်ဖီခွက်က အပေါ်ယံကြောတွေ တင်းပြီး အေးစက်လို့..။  ကျွန်မ အပေါ်ယံကြော တင်းနေ တဲ့ ကော်ဖီခွက်ကို လက်ညှိုးနဲ့ ထိုးမွှေလိုက်ရင်း သူ့ဖုန်းကို ကိုင်လိုက်တယ်။

            `ဆောရီး။ အိပ်နေပြီထင်တယ်။´

            သူဖုန်းဆက်ရင် ကျွန်မကို အမြဲ အဲဒီလို ပြောတတ်တယ်။ သူဖုန်းဆက်တဲ့ အကြိမ်တိုင်းလိုလိုတော့ ကျွန်မ သူ့ကို မအိပ်သေးပါဘူးလို့ လိမ်ပြောဖြစ်တယ်။ ခုတစ်ခါတော့ ကျွန်မ လိမ်ဖို့ မလိုတော့ပါဘူး။

            `ဟင့်အင်း။ ကျွန်မ ဓါတ်ပုံတွေ ကူးနေတာပါ။ တောဆင်ရိုင်းတွေ ၀င်နေတဲ့ ရွာလေးတစ်ရွာအကြောင်း ကျွန်မ Documentary ရိုက်ဖို့ ကွင်းသွားဆင်းတာလေ။ အဲဒီကနေ ကျွန်မ ဓါတ်ပုံတွေ ရိုက်ယူလာခဲ့တယ်။ အဲဒါ တွေကို ကျွန်မ အခု ကူးနေတာ။´

            သူမမေးဘဲ ကျွန်မ အကြောင်းစုံရှင်းပြလိုက်တယ်။ သူနဲ့ ကျွန်မက တစ်ယောက်အကြောင်း တစ်ယောက် ပွင့်ပွင့်လင်းလင်းသိနေရင် ပိုကောင်းမယ်လို့ ကျွန်မထင်တယ်။ သူ့ကို ကြုံတိုင်းမှာ ကျွန်မရဲ့ အကြောင်းတွေကို သူမမေးဘဲလည်း ထည့်ထည့်ပြီး ပြောပြောဖြစ်တယ်။ ကိုယ့်အကြောင်း အစစ်အမှန်ကို တစ် ခြားသူတစ်ယောက် သိအောင် ပြောပြတာဟာ ရှက်စရာမဟုတ်ဘူးဆိုတဲ့ အကြောင်းကို သူလက်ခံလာအောင် ပေါ့။ ဒါပေမယ့် သူနဲ့ သိလာခဲ့တဲ့ ငါးနှစ်တာ ကာလအတွင်း သူ့အကြောင်း ကျွန်မ သူများတွေပြောသလောက် ပဲ သိခဲ့ရသေးတယ်။ ကျွန်မ သူ့အကြောင်းတွေ သိဖို့လိုအပ်တယ်။ ဘာကြောင့်လဲဆိုတော့ သူဟာ ကျွန်မရွေး ချယ်ထားတဲ့ ၊ ကျွန်မ စိတ်ဝင်စားနေတဲ့ Protagonist တစ်ယောက် ဖြစ်နေလို့ပဲ။

            သူ အာမေဋိတ်တစ်ခု ပြုလိုက်တယ်လို့ ကျွန်မ ထင်တယ်။ အသံတစ်ခုကြားပြီးတော့မှ သူတိတ်တိတ် လေးနဲ့ ဖြည်းဖြည်းလေးပြောတယ်။

            `ဒီနေ့ညနေ မင်းများ ကိုယ့်ကို တွေ့ချင်မလားလို့။´

            ကော်ဖီခွက်ကို မွှေနေတဲ့ ကျွန်မရဲ့ လက်ရပ်တန့်သွားတယ်။ အံ့လည်း သြသွားတယ်။ ကျွန်မ သူ့ကို တွေ့ဖို့ ပြောထားတာ အတော်ကြီးကို ကြာခဲ့ပြီ။ ကြာဆို လွန်ခဲ့တဲ့ ငါးနှစ်ကတည်းကပဲ။ ဒီငါးနှစ်အတွင်းမှာ သူ့ နားကို ကျွန်မ ကပ်ဖို့မပြောနဲ့၊ ဖုန်းတောင် သူဆက်မှ ကျွန်မ လက်ခံရတဲ့အခြေအနေဖြစ်နေခဲ့တယ်။ ဒီငါးနှစ်အ တွင်း မှတ်မှတ်ရရ သူကျွန်မဆီ ဖုန်းကိုးခါ ဆက်ခဲ့တယ်။

            ကျွန်မ သူ့ကို မြန်မြန်ပြန်ပြောလိုက်တယ်။

            `ဟုတ်ကဲ့။ ကျွန်မ တွေ့ချင်ပါတယ်။ ဘယ်အချိန် လာတွေ့ရမလဲ။ဘယ်မှာလဲ။´

            ကျွန်မ မေးခွန်းတွေများသွားမလားပဲ။ စကားသိပ်သွက်လွန်းသွားတဲ့ ကျွန်မကို သူလက်ခံပြီး မတွေ့ တော့မှာလည်း စိုးရိမ်သွားတယ်။ သူများ တစ်ခုခုပြောလိုက်မလားလို့။

ဒါပေမယ့် သူဘာမှ မပြောခဲ့ပါဘူး။

            ` ညဦးပိုင်းကနေ စပြီး ကိုယ် မင်းကို တစ်ညလုံး အချိန်ပေးနိုင်ပါတယ်။ ´

            တစ်ညလုံး .. ။ ကျွန်မ ဒါတော့ နည်းနည်းစဉ်းစားရတယ်။ documentary ရိုက်ဖို့ အဖွဲ့သားတွေနဲ့ ကျွန်မ ခရီးရက်ရှည်တွေ ထွက်ဖူးတယ်။ တစ်ယောက်တည်း သူချိန်းတဲ့နေရာကို သွားဖို့ကိုတော့ ကျွန်မ နည်း နည်းတွေးတယ်။ ဘာကြောင့်လဲဆိုတော့ သူဟာ သူ ဖြစ်နေလို့ပဲ။ တခြားလူ မဟုတ်တဲ့ သူဖြစ်နေတဲ့အတွက် ကြောင့် သူရှိတဲ့နေရာကို ညဘက်ကြီး တစ်ယောက်တည်းသွားဖို့ ကျွန်မ သွေးနည်းနည်းလန့်နေမိတယ်။

            တစ်ဖက်က ပြန်တွေးရင် သူသာ ကျွန်မအလုပ်ကို လက်ခံလိုက်မယ်ဆိုရင် ဒီကမ္ဘာမှာ ဘယ်သူမှ မရိုက် ဖူးသေးတဲ့ Documentary မှတ်တမ်းတစ်ခုကို ကျွန်မ အောင်အောင်မြင်မြင် ရိုက်ကူးနိုင်လိမ့်မယ်။ ကျွန်မ ဒီအ ခွင့်အရေးကို စောင့်နေခဲ့တာ ငါးနှစ်ကျော်ခဲ့ပြီ။ ကျွန်မ ခေါင်းညိတ်လိုက်တယ်။ တစ်ခါတစ်လေမှာ ကျွန်မ မိုက်ရူး ရဲဆန်(ကောင်းဆန်)တယ်။

            `ကျွန်မ လာခဲ့ပါ့မယ်။ ဘယ်ကိုလာခဲ့ရမလဲ ။´

            အသက်တစ်ချက် ရှူလိုက်တဲ့အသံ ကျွန်မ ကြားတယ်။ သူ့ဆီကဖြစ်မယ်။ သူ့ဆီက မဟုတ်ရင် သူနဲ့ တွေ့ဖို့ ရင်ခုန်နေတဲ့ ကျွန်မဆီက ဖြစ်လိမ့်မယ်။

            `ကိုယ့်အိမ်ကိုပဲလာခဲ့ပါ။´

            `ဟုတ်ကဲ့။ကောင်းပါပြီ။ ဒါဆို ကျွန်မတို့ ဒီနေ့ညဦးပိုင်းလောက် တွေ့ကြတာပေါ့။ ကျေးဇူးတင်ပါ တယ်။´

            သူ ကျွန်မကို ဘယ်တော့မှ နွေးနွေးထွေးထွေး မဆက်ဆံဘူး။ ကျွန်မဆိုလိုတာက ကျွန်မတို့ သိနေကြ တာ ငါးနှစ်တောင် ကျော်ခဲ့ပြီ။ ကျွန်မကို သူ မိတ်ဆွေတစ်ယောက်လို ဘယ်တုန်းကမှ စကားမပြောခဲ့ဖူးဘူး။ သူ့ အသံဟာ နွေးထွေးတိတ်ဆိတ်ပေမယ်လို့ ရေတွင်းနက်ကြီးထဲက လာသလိုလို ခြောက်ခမ်းမှုကိုလည်း ပေးတယ်။

            သူတိတ်တိတ်လေး ဖုန်းချသွားခဲ့တယ်။ ကျွန်မ ဓါတ်ပုံတွေ ကူးတာကို လက်စသတ်လိုက်ပြီး စာရေးစား ပွဲဆီ ပြန်လာလိုက်တယ်။ ကော်ဖီခွက်ဟာ ကျွန်မဆီဖုန်းဆက်ခဲ့တဲ့သူ့လို အေးစက်နေပေမယ့်လည်း ဒီတစ်ည အိပ်မပျော်တော့မှာ သေချာနေတဲ့ ကျွန်မအတွက် အဖော်တစ်ခုတော့ ဖြစ်နေတယ်။

            ကျွန်မ သူနဲ့ စတွေ့တော့ သူကမိုးရေတွေထဲမှာ ရပ်လို့ ။ ကျွန်မ ဖခင်ရဲ့ အသုဘကို လိုက်ပို့ပြီး ပြန် လာတဲ့အချိန်မှာ ကျွန်မ သူ့ကို အရင်ဆုံးတွေ့ခဲ့တယ်။ သူက အဲဒီတုန်းက သူ့ရဲ့ အထိမ်းအမှတ်ကျောက်တုံး ရှေ့မှာ မတ်တပ်ရပ်လို့ ။တစ်ကိုယ်လုံး မိုးရေတွေနဲ့ စိုရွှဲနေခဲ့တယ်။ သူနဲ့ မလိုက်ဖက်တဲ့ မိုးပြာရောင် ကုတ် အကျီကို ၀တ်ဆင်ထားခဲ့တယ်။

            ကျွန်မ ကားကိုရပ်ပြီး သူ့ဆီပြေးသွားလိုက်တယ်။ သူကတော့ သူ့နားမှာ လူတစ်ယောက်လာရပ်နေ တာကို မသိသလိုပဲ။ မိုးတွေ အရမ်းသည်းပြီး မှောင်စလည်း ပျိုးနေတာမို့ ၊ ကျွန်မလည်း အလုပ်ကိစ္စလေးတစ်ခု အမြန် အပြီးသတ်စရာရှိနေတာမို့  စကားကို မြန်မြန်ပဲ ပြောလိုက်တယ်။

            `ဟဲလို။ ကျွန်မက Documentary ဒါရိုက်တာတစ်ယောက်ပါ။ ရှင့်ကို ကျွန်မ သိပ်စိတ်ဝင်စားလို့ လိုက် ရှာနေတာ ကြာပါပြီ။ ရှင့်အကြောင်းတွေနဲ့ ရှင့်ဘ၀ကို ကျွန်မDocumentary ရိုက်ချင်နေလို့ပါ။  ကျွန်မကို ဆက်သွယ်ဖို့ လိပ်စာကတ်လေးပေးခဲ့ပါရစေ။ ရှင်စိတ်မရှိဘူးဆိုရင် ကျွန်မ ရှင့်အိတ်ကပ်ထဲထည့်ခဲ့ပေးပါရစေ။´

            ပြောပြောဆိုဆို ကျွန်မ သူ့မိုးပြာရောင် ကုတ်အကျီအိတ်ထဲ ကျွန်မရဲ့ လိပ်စာကတ်ကလေးကို ထည့် ပေးလိုက်တယ်။ မိုးရွာနေတာက တစ်ကြောင်း၊ သူ့ရဲ့ ကုတ်အကျီက ရေတွေ တအားရွှဲနေတာက တစ်ကြောင်း တို့ကြောင့် သူ့အိတ်ကပ်ထဲမ၀င်ဘဲ ကျွန်မရဲ့ လိပ်စာကတ်ကလေးက ပြဲသွားခဲ့တယ်။ ကျွန်မ လိပ်စာကတ် အသစ်တစ်ခုကို မြန်မြန်ထုတ်လိုက်ပြီး သူ့အိတ်ကပ်လေးထဲ ထည့်ပေးလိုက်တယ်။

            `ကျွန်မကို ဆက်သွယ်ပါနော်။ ကျေးဇူးတင်ပါတယ်။ ကျွန်မ နက်ဖြန် ဒီနေရာကို လာခဲ့ပါဦးမယ်။ ရှင် ရှိနေမယ်ဆိုရင် ကျွန်မတို့ နက်ဖြန် တွေ့ကြရအောင်ပါနော်။´

            သူက ကျွန်မကို လှည့်ကြည့်တယ်။ သူ့မျက်လုံးတွေဟာ နွေးထွေးတယ်။ သူ့ဆံပင်တွေအပါအ၀င် သူ့ တစ်ကိုယ်လုံးဟာ ရေတွေစိုရွှဲနေခဲ့တယ်။ သူ့အထိမ်းအမှတ်ကျောက်တိုင်ရဲ့ အရှေ့မှာ သူ့ကိုတွေ့ရပေမယ်လို့ သူဟာ ဘာမှ မထူးခြားဘူး။

            သူ့မျက်လုံးတွေကြောင့် ကားဆီမြန်မြန်ပြန်ဖို့ပဲ စိတ်လောနေတဲ့ ကျွန်မ ခြေလှမ်းတွေ ရပ်သွားတယ်။ ကျွန်မ သူ့ကို ပြန်ကြည့်လိုက်တယ်။ ဘာစကားမှ မပြောပေမယ့် သူ့မျက်လုံးတွေနဲ့ သူ့အပြုအမူတွေဟာ နှစ် လိုဖွယ် ကောင်းနေတယ်။ ကျွန်မ သူ့ကိုပြောလိုက်တယ်။

            `ရှင်နဲ့ ဒီကုတ်အကျီ တော်တော်လိုက်တယ်။´

            တကယ်တမ်းမှာ ဘာမှ ပြောစရာမရှိတာရယ် ၊ သူ့ဆီက အခွင့်အရေးတစ်စုံတစ်ခုကို လိုချင်နေတာ ရယ်ကြောင့် ကျွန်မ သူ့ကိုလိမ်ပြောလိုက်တာပါ။ တကယ်တမ်းက သူဟာ အဲဒီမိုးပြာရောင် ကုတ်နဲ့ ဘယ်လိုမှ မလိုက်ဖက်ပါဘူး။ ဒါပေမယ်လို့ ကျွန်မသူ့ကို အဲဒီလို ပြောလိုက်တယ်။

            `ကျေးဇူး။´

            သူ ကျွန်မကို တိုးတိုးလေးပြောလိုက်တယ်လို့ ထင်ရတယ်။ သာမန် စကားသံနဲ့ ပြောလိုက်တာလည်း ဖြစ်ကောင်းဖြစ်မယ်။ ဒါပေမယ့် မိုးတွေ တအားသည်းနေတာကြောင့် သူ့အသံကို ကြားတယ်ဆိုရုံလေးပဲ ကြား လိုက်ရတယ်။ ဘာပဲ ဖြစ်ဖြစ် သူစကားပြန်ပြောတဲ့အတွက် ထင်သလောက်တော့ ဆက်ဆံရခက်မယ့် လူမျိုးမ ဟုတ်ဘူးလို့ ကျွန်မတွေးလိုက်တယ်။

            သူ့အကြောင်းတွေကို ကျွန်မ ဒီအလုပ်စလုပ်ကတည်းက ကြားဖူးခဲ့တယ်။ သူဟာ လွန်ခဲ့တဲ့ နှစ် သုံးဆယ်ကျော်က သေဆုံးခဲ့တယ်။ သာမန်မိသားစုဘ၀က မွေးဖွားလာခဲ့တယ်။ သူဟာ သူ့ရဲ့ မိ ခင်အရင်းနဲ့ သူ့ရဲ့ အိမ်ထောင်ဖက်တို့ကို လူအများ မသိနိုင်တဲ့ အကြောင်းပြချက်တစ်ခုနဲ့ သတ်ပစ်ခဲ့တယ်လို့ ဆိုကြတယ်။ လူတစ်ချို့ကတော့ ဒီအကြောင်းပြချက်ဟာ ရူးကြောင်ကြောင်ပါလို့ ဆိုကြတယ်။ သူတို့ရဲ့ အိမ် ရှေ့ကနေ ကျွန်မ ခဏခဏ လမ်းလျှောက်ဖူးတယ်။ သူတို့ အိမ်ထဲမှာ တစ်ခါမှ ဘာအရိပ်အယောင်မှ မတွေ့ရ ဘူး။ ကျွန်မ သူ့ကို  အဲဒီကတည်းက စိတ်ဝင်စားနေခဲ့တယ်။ တစ်ချိန်ချိန်မှာ သူနဲ့ တွေ့နိုင်ပါတယ်လို့ ကျွန်မရဲ့ အဲဒီတုန်းက ချစ်သူက ကျွန်မကို အားပေးခဲ့တယ်။

            တကယ်တမ်းတွေ့တဲ့အခါမှာ တိုက်တိုက်ဆိုင်ဆိုင် ကျွန်မအဖေ အသုဘချတဲ့နေ့ဖြစ်နေခဲ့တယ်။ ကျွန် မအတွက် ကံကောင်းတဲ့နေ့တစ်နေ့လို့ ဆိုရမယ်။ သူ့ကိုတွေ့ခဲ့ရတယ်။ ဆက်သွယ်ဖို့ ကျွန်မရဲ့ လိပ်စာကတ် ကိုပေးနိုင်ခဲ့တယ်။ သူနဲ့တွေ့ရဖို့ ကျွန်မ ရင်ခုန်ဝမ်းသာနေခဲ့တယ်။ ဒါပေမယ်လို့ သူကျွန်မဆီဖုန်းမဆက်ခဲ့ဘူး။

            ကျွန်မ နေ့တိုင်းလိုလို သူနဲ့တွေ့ခဲ့တဲ့ သချိုင်းက သူ့ရဲ့အထိမ်းအမှတ်ကျောက်တိုင်လေးဆီ သွားသွား ကြည့်ဖြစ်တယ်။ တစ်ခါမှ သူနဲ့ ပြန်မတွေ့ရတော့ဘူး။ ခြောက်လလောက် ကြာပြီးနောက်မှာတော့ သူကျွန်မဆီ ညဥ့်လယ်ပိုင်း တစ်ခုမှာ ဖုန်းဆက်ခဲ့တယ်။ အဲဒီကတည်းကစလို့ ကျွန်မနဲ့ သူ ဖုန်းနဲ့ပဲ ငါးနှစ်တိတိ အဆက်အ သွယ် ရှိနေခဲ့ကြတယ်။

            ဒီနေ့လို သူတွေ့မယ်လို့ ပြောလာတဲ့အခါမှာ ကျွန်မ အံ့သြပြီး ရင်တွေခုန်နေခဲ့တယ်။ ကျွန်မအတွက် သိပ်အရေးကြီးတဲ့ လူတစ်ယောက်ဖြစ်နေတာရယ် ၊ တွေ့ဖို့ အင်မတန်ခက်ခဲတဲ့ လူတစ်ယောက်ဖြစ်နေတာရယ် တို့ကြောင့် ကျွန်မဘက်က အမှားအယွင်းမရှိရအောင် ဂရုစိုက်နေမယ်လို့ တစ်ခါတည်း ဆုံးဖြတ်ချက်ချလိုက် တယ်။

            ညနေ သုံးနာရီလောက်မှာ သူနဲ့တွေ့ဖို့ ကျွန်မ အစစအရာရာ ပြင်ဆင်ပြီးနေပြီ။ အသင့်ဖျော်ထားပြီး သား ကော်ဖီနောက်တစ်ခွက်ကို ထပ်သောက်လိုက်တယ်။ ဒီနေ့အဖို့ ကျွန်မ ကော်ဖီသောက်တာ လေးခွက် ထက်မနည်း ရှိနေပြီ။ ကျွန်မ သူ့ဖုန်းလာပြီးကတည်းက ဘလက်ခ်ကော်ဖီတွေကိုချည့် သောက်နေခဲ့တယ်။ သူနဲ့ တွေ့တဲ့အခါမှာ လန်းဆန်းနေအောင်ရယ် ၊ အရမ်းပင်ပန်းပြီး ကျွန်မ အိပ်ပျော်သွားမှာရယ်ကို ကျွန်မ စိုး ရိမ်နေခဲ့တယ်။ သူနဲ့ တွေ့ဖို့ အချိန်က တော်တော်လိုနေသေးတဲ့အတွက် ကျွန်မ ထိုင်ခုံပေါ်မှာ ကိုယ့်ကိုကိုယ် အသက်သာဆုံး အခြေအနေဖြစ်အောင် ပြင်ထိုင်လိုက်ပြီး မျက်စိမှိတ်လို့ အသက်ကို ဖြည်းဖြည်းချင်း ၀၀ ရှူ လိုက်တယ်။ ပြီးတော့ ပြန်ထုတ်လိုက်တယ်။ ပြန်ထုတ်လိုက်တဲ့အခါမှာ `အာ…………… ´ လို့ ကျွန်မ တိုးတိုး လေးနဲ့ အသံရှည်ဆွဲပြီး အသံပြုလိုက်တယ်။ ဒီလိုလုပ်လိုက်ခြင်းအားဖြင့် ကျွန်မ စိတ်လက်ပေါ့ပါးသွားသလို အမြဲ ခံစားရတယ်။  ကျွန်မ အဲဒီလေ့ကျင့်ခန်းကို ငါးခါလောက်လုပ်လိုက်ပြီး ကျွန်မ အိပ်ခန်းရဲ့ အောက်က ပန်း ခြံကို ကြည့်လိုက်တယ်။

            ကျွန်မရဲ့ ပန်းခြံထဲမှာ သီးပင် စားပင် အတော်များများကို စိုက်ပျိုးထားတယ်။ ဒီခြံကို ပိုင်တဲ့ အရင်ပိုင်ရှင် က ဥယျာဉ်မှူးတစ်ယောက်ဖြစ်ခဲ့ဖူးတော့ သူ့ခြံထဲမှာ အပင်ပေါင်း အတော်များများကို မျက်စိ ပသာဒဖြစ်အောင် စိုက်ပျိုးထားခဲ့တယ်။ ဒီပန်းခြံထဲမှာ ထူးခြားတာက ဆလပ်တို့လို အပင်ပုလေးတွေ မရှိဘူး။ အားလုံးဟာ အရိပ် ရလောက်တဲ့ အပင်ကြီးမျိုးတွေချည့်ပဲ။ ဒီခြံထဲမှာ နေရတာ ၊ လမ်းလျှောက်ရတာကို ကျွန်မ ကြိုက်တယ်။ ကျွန်မ အနှစ်သက်ဆုံးဖြစ်တဲ့ ဘာပင်မှန်းမသိတဲ့ အပင်ကြီးတစ်ပင်က ပန်းခြံရဲ့ ထောင့်စွန်းနားလေးမှာ ရှိတယ်။ အဲဒီ အပင်ကြီးရဲ့ အောက်မှာ ကျွန်မ ဒရီးမ်ဘတ် လေးကို ခင်းထားတယ်။ နေ့လယ်ဘက် ကျွန်မ အိမ်မှာရှိနေ ရတဲ့ အချိန်မျိုးတွေ၊ ညဘက် ကြယ်တွေ စုံစုံလင်လင်မြင်ရတဲ့ အခါမျိုးတွေမှာ အဲဒီအပင်အောက်မှာ ကျွန်မ သွားထိုင်နေတတ်တယ်။ ညဘက်တွေဆို ဇီးကွက်အော်တဲ့အသံတွေ တောက်တဲ့သံမျိုးလေးတွေတောင် ကျွန်မ ကြားရလေ့ရှိတယ်။ တစ်ယောက်တည်း နေတာကြာလာတဲ့ ကျွန်မအဖို့ အလုပ်ပင်ပန်းပြီးတဲ့ နောက်ပိုင်း ကျွန်မ ရဲ့ ကိုယ်ပိုင်အချိန်တွေမှာ ကျွန်မရဲ့ ခြံနဲ့ အိမ်ဟာ ကျွန်မအတွက် အပန်းပြေစရာ အိုအေစစ်နေရာတွေ ဖြစ်လာ ခဲ့တယ်။

            ဒီခြံကို ကျွန်မစ၀ယ်တော့ ကျွန်မ အိမ်ထောင်ပြုပြီးရင် နေဖို့အတွက် ၀ယ်ခဲ့တယ်။ ကျွန်မ ရည်ရွယ်ခဲ့တဲ့ အိမ်ထောင်ဖက်နဲ့ အတူ ဒီခြံကို လာကြည့်ပြီး နှစ်ဦးသဘောတူ နှစ်သက်ပြီးမှ ၀ယ်ခဲ့တဲ့ခြံပေါ့။ ဒါပေမယ်လို့ ကျွန်မရဲ့ အိမ်ထောင်ဖက်လောင်းက ကျွန်မထက် ၁၂ နှစ်လောက်ငယ်တဲ့ အမျိုးသမီးငယ်တစ်ယောက်နဲ့ အိမ် ထောင်ပြုသွားခဲ့တယ်။ အခုတော့လည်း သူမပါဘဲနဲ့ ဒီခြံနဲ့ အိမ်လေးထဲမှာ တစ်ယောက်တည်းနေရတဲ့ အရသာကို သူနဲ့တောင် ကျွန်မ မလဲနိုင်တော့ဘူး။

            ကျွန်မ ဓါတ်မီးတစ်လက်နဲ့ မီးခြစ်တစ်လုံးကိုပါ အိတ်ထဲထည့်လိုက်တယ်။ ကင်မရာနဲ့ recorder ပါ ယူ သွားဖို့ ကျွန်မဆုံးဖြတ်လိုက်တယ်။ သူ့ကို မမေးရသေးပေမယ်လို့ ကျွန်မ ယူသွားပြီး သူနဲ့ တွေ့မှ သူခွင့်ပြု မယ်ဆိုရင် ဒီပစ္စည်းတွေကို ကျွန်မ သုံးမယ်။ ဒါတွေကို အိတ်ထဲထည့်လိုက်တယ်။ ပြီးတော့ မှတ်စုစာအုပ် ။ လို အပ်တယ်ထင်ရတဲ့ ပစ္စည်းအားလုံးကို ထည့်ပြီးတဲ့အခါကျမှ ကျွန်မ ထွက်လာခဲ့တယ်။

            သူ့အိမ်က ခြံသော့မခတ်ထားသလို အိမ်သော့လည်း မခတ်ထားတဲ့အတွက် အလွယ်တကူပဲ ကျွန်မ ၀င်ခွင့်ရခဲ့တယ်။ သူ့ရဲ့ခြံဟာ ကျွန်မရဲ့ ခြံနဲ့ တူညီမှုတွေ ရှိတယ်။ မတူတာတစ်ခုကတော့ သူက မိသားစုနဲ့ နေ ခဲ့တယ်။ ကျွန်မက တစ်ယောက်တည်း နေနေတယ်။

            အိမ်ထဲဝင်သွားတဲ့အခါမှာ အိမ်ထဲမှာ မဲမှောင်နေတယ်။ ကျွန်မ အသံပြုလိုက်တယ်။ အမှောင်ထဲမှာ မျက်လုံး ကျင့်သားရသွားဖို့ ကျွန်မ ခဏလောက် အိမ်ပြင်မှာ ရပ်နေရသေးတယ်။ ခဏနေမှ ကျွန်မ အိမ်ထဲကို လှမ်းကြည့်လိုက်တယ်။

            အိမ်ပေါက်ဝနားက ကြမ်းပြင်ပေါ်မှာပဲ သူထိုင်နေတယ်။ တံခါးပေါက်ကို ဘေးတိုက်အနေအထားနဲ့ သူ ထိုင်နေတာ ဖြစ်တဲ့အတွက် သူဘာဖြစ်နေသလဲဆိုတာကို ကျွန်မ အကဲခတ်လို့မရဘူး။ သူ့မျက်နှာ တစ်ချို့တစ် ၀က်ပေါ် ဆံပင်တွေက အုပ်ကျနေတယ်။ သူ ကျွန်မဘက် ခေါင်းငဲ့လိုက်တဲ့အချိန်မှာ သူ့မျက်နှာပေါ်မှာ လက်ခနဲ အရောင်တစ်ခုကို ကျွန်မ ရုတ်တရက်မြင်လိုက်တယ်။ သူ့မျက်လုံးအရောင်ပဲ ဖြစ်ပါလိမ့်မယ်။

            သူဟာ လွန်ခဲ့တဲ့ ငါးနှစ်က ကျွန်မနဲ့ တွေ့ခဲ့တဲ့အချိန်တုန်းက အတိုင်းပဲ။ မပြောင်းမလဲ မိုးပြာရောင် ကုတ် အကျီကိုပဲ သူဝတ်ဆင်ထားတယ်။ လွန်ခဲ့တဲ့ငါးနှစ်တုန်းက အတိုင်းပဲ အဲဒီကုတ်အကျီဟာ သူနဲ့ မလိုက် ဖက်တုန်းပဲ။ လွန်ခဲ့တဲ့ ငါးနှစ်ကအတိုင်း သူ့ကို ပြန်တွေ့တာဖြစ်တဲ့အတွက် လွန်ခဲ့တဲ့ ငါးနှစ်က အတိုင်းပဲ ကျွန်မ သူ့ကို ထပ်ပြောလိုက်တယ်။ (ထပ်လိမ်လိုက်တယ်။)

            `ရှင် အဲဒီကုတ်အကျီနဲ့ လိုက်တယ်။´

            `ကျေးဇူး။´

            သူလည်းပဲ လွန်ခဲ့တဲ့ ငါးနှစ်ကအတိုင်းပဲ ပြန်ပြောတယ်။ ကျွန်မ သူနဲ့ မျက်နှာချင်းဆိုင် ကြမ်းပြင်ပေါ်မှာ ထိုင်ချလိုက်တယ်။ ထိုင်ပြီးတာနဲ့ သူ့ကိုပြောလိုက်တယ်။

            `ကျွန်မ ကင်မရာနဲ့ recorder ယူလာခဲ့တယ်။ တကယ်လို့ ရှင်ခွင့်ပြုမယ်ဆိုရင် ကျွန်မသုံးချင်လို့ပါ။´

            `ဘာအတွက် သုံးချင်တာလဲ။´

            ဒီငါးနှစ်အတွင်း ဖုန်းနဲ့ အကြိမ်ကြိမ် စကားပြောဖူးတဲ့အတွက် ကျွန်မဟာ မှတ်တမ်းရုပ်ရှင်ဒါရိုက်တာ တစ်ယောက်ဖြစ်တယ်ဆိုတာကို သူသိကိုသိနေရမယ်။ ပြီးတော့ ဖုန်းပြောဖူးတဲ့ အခေါက်တိုင်းလိုလိုမှာ ကျွန်မ သူ့ကို စိတ်ဝင်စားပြီး မှတ်တမ်းရုပ်ရှင်ရိုက်ချင်တဲ့အကြောင်း ခဏခဏထည့်ပြောခဲ့တယ် ။ ဒါပေမယ့်လည်း ဒီည မှာ သူကျွန်မကို အဲဒီလို ထပ်မေးခဲ့တယ်။ သူထပ်မေးလို့ကျွန်မ ထပ်ပြောပြလိုက်တယ်။

            `ကျွန်မ ဖြစ်နိုင်မယ်ဆိုရင် ဒီညမှာ ရှင်နဲ့ ရင်းနှီးမှုကို ယူချင်လို့ပါ။ ကျွန်မ လာရတဲ့ ရည်ရွယ်ချက်ကို လည်း ရှင်သိပြီးသားလို့ ကျွန်မ မျှော်လင့်ထားပါတယ်။ တကယ်လို့များ ကျွန်မ မှတ်တမ်းရုပ်ရှင်အတွက် ရှင် ငြင်းချင်ခဲ့တယ်ဆိုရင် ကျွန်မ ကင်မရာနဲ့ recorder အပါအ၀င် မှတ်စုစာအုပ်တွေကို မသုံးတော့ပါဘူး။ ရှင် ခွင့် ပြုမယ်ဆိုရင်တော့ .. ´

            ကျွန်မရဲ့ ကင်မရာ ၊ Recorder နဲ့ မှတ်စုစာအုပ်တွေကို သူနဲ့ ကျွန်မကြား ကြမ်းပြင်ကွက်လပ်ပေါ်မှာ ချထားလိုက်တယ်။

            `ကျွန်မ ဒါတွေကို သုံးပါ့မယ်။ တကယ်လို့ ရှင်ခွင့်မပြုဘူးဆိုရင်တော့ ရှင့်ရဲ့အချိန်တွေအတွက် .. ´

            `မင်းက ကိုယ့်ကို မှတ်တမ်းရုပ်ရှင်ရိုက်မယ်။ ပြီးရင် ကမ္ဘာ့နိုင်ငံတစ်ချို့မှာပြမယ်။ ဒါဆို မင်း ဆုကြေး ငွေတွေ ရလာမယ်ပေါ့ ။ ဒီလိုလား။´

            ကျွန်မ စကားပြောနေတုန်း သူဖြတ်ပြောလိုက်တာ ဖြစ်တဲ့အတွက် ကျွန်မအရှိန်နဲ့ ပြောနေတဲ့ စကား ဘယ်ရောက်သွားမှန်း မသိလိုက်သလို သူလည်း ဘာပြောလိုက်မှန်း ရုတ်တရက် မဖမ်းမိလိုက်ဘူး။ သူက ကျွန် မ ရုတ်တရက် စကားအသွားအလာကို မဖမ်းမိလိုက်တာ သိပေမယ်လို့ အဲဒီစကားကို သူထပ်မပြောဘူး။ ကျွန် မကိုပဲ သူကြည့်နေခဲ့တယ်။

            ကျွန်မ သူ့ကိုကြည့်ရင်း သူပြောလိုက်တာ ဘယ်လိုပါလိမ့်လို့ တွေးလိုက်တယ်။ နောက်တော့ ကျွန်မ သူပြောလိုက်တာကို သဘောပေါက်လာတယ်။ ကျွန်မ နည်းနည်းတော့ ရှက်သွားမိတယ်။ သူပြောလိုက်တဲ့ သ ဘောက ကျွန်မက သူ့ကို ပြစားမယ့်သဘောတွေ ပါနေတယ်။ ဒါကို ကျွန်မ မဟုတ်ဘူးဆိုတဲ့အကြောင်းကို ရှင်း ပြချင်နေမိတယ်။ ဒါပေမယ်လို့ တကယ်က ဟုတ်နေတဲ့အတွက် ဘယ်လိုရှင်းပြရမယ်ဆိုတာကို ကျွန်မ မသိဘူး ။ ဒါပေမယ့် ဆုကြေးငွေရချင်တာထက် အများကြီးပိုတဲ့ ဆန္ဒတွေ ရှိနေတယ်ဆိုတာကို ကျွန်မ သူ့ကို မပြောပြ ဖြစ်ဘူး။ ဒါမှမဟုတ် ပြောပြဖို့ စကားစ ရှာမရခဲ့ဘူး။

            `ကိုယ်သဘောတူနိုင်ပါတယ်။´

            ကျွန်မ ၀မ်းသာသွားတာကို ဖုံးမထားခဲ့ဘူး။ သူလက်ခံတဲ့အတွက် ကျေးဇူးတင်တဲ့ အမူအရာတွေကို ကျွန်မ သူ့ကို ပြခဲ့တယ်။

            `ကျေးဇူးတင်ပါတယ်။ ဒါဆိုရင် ကျွန်မတို့ .. ´

            `အချက်တစ်ခုတော့ ရှိတယ်။ ´

            ကျွန်မ လောသွားတာကို ကျွန်မ အခုမှ သတိပြုလိုက်မိတယ်။ ဟုတ်နိုင်ပါတယ်။ မှတ်တမ်းရုပ်ရှင်ထဲက Protagonist အတော်များများမှာ တောင်းဆိုစရာလေးတွေ ရှိနေတတ်တယ်။ ကျွန်မ ဒါကို သူ့ကိုမေးဖို့မေ့သွား တယ်။ ကျွန်မ တောင်းပန်ရင်း သူ့ကိုမေးလိုက်တယ်။

            `ဟုတ်ကဲ့ ပြောပါ။ ကျွန်မ ဘယ်လိုများ လိုက်လျောရမလဲ။´

            `ဒီည မင်း ကိုယ်နဲ့ အိပ်ရမယ်။´

            `ဘာရယ်။´                              

            ကျွန်မက စကားပြောရင် ကျွန်မ စကားရဲ့ အသွားအလာပေါ် ကျွန်မ ဂရုစိုက်နေတာနဲ့ပဲ တခြားလူတစ် ယောက် ဘာပြောလိုက်တယ်ဆိုတာကို ချက်ချင်းမဖမ်းမိလိုက်နိုင်တာက အမြဲလိုလိုဖြစ်နေတတ်တယ်။ အခု လည်း သူကျွန်မကို တစ်ခုခုပြောလိုက်တယ်။ ကျွန်မ အချိန်လေးနည်းနည်းပြန်စဉ်းစားပြီး သဘောပေါက်ချိန်မှာ တော့ သူ့ကို အံ့သြသွားတဲ့ မျက်နှာနဲ့ ကြည့်လိုက်မိတယ်။

            `ဘာရယ်။´

            ကြားပြီးသား စကားကိုပဲ မေးပြီးသား စကားနဲ့ ထပ်မေးလိုက်တယ်။ သူ ဘာမှ ထပ်မပြောဘဲ ကျွန်မကို ပဲ စိုက်ကြည့်နေခဲ့တယ်။ သူ့အကြည့်တွေဟာ ကျွန်မ နောက်စေ့ကို ကြည့်နေသလို ခံစားရတယ်။ သူက မျက် လုံးလှတယ်။ သူနဲ့ ကျွန်မ ထိုင်နေကြတာဟာ လက်တစ်ကမ်းတောင် မဝေးဘူး။ ပတ်ဝန်းကျင်ဟာ တဖြည်း ဖြည်းမှောင်လာပေမယ်လို့ သူ့ရဲ့ မျက်လုံးအရောင်ဟာ မလျော့ကျသွားသေးဘူး။ သူဟာ ယောကျာ်းဖြစ်စေ ၊ မိန်းမဖြစ်စေ မျက်လုံးအင်မတန် စူးရှတဲ့လူတစ်ယောက် ဖြစ်တယ်ဆိုတာကိုကျွန်မ လက်ခံလိုက်တယ်။ ကျွန်မ လက်မခံနိုင်တာ တစ်ခုတော့ ရှိသေးတယ်။ ရှေ့မှာ ပြောပြီးသလိုပဲ သူဟာ ယောကျာ်းလား ၊ မိန်းမလား ကျွန်မ မသိတတ်သေးဘူး။ ကျွန်မ စိုးရိမ်စိတ် ၀င်မိတယ်။

            ကျွန်မမှာ အမျိုးသားအချို့နဲ့ အိပ်ဖူးတဲ့ အတွေ့အကြုံတွေရှိခဲ့တယ်။ ဒါပေမယ်လို့ ကျွန်မ ကြုံဖူးတဲ့ လူတွေဟာ ယောကျာ်းစစ်စစ်တွေချည့်ပဲ ဖြစ်တယ်။ ကျွန်မဟာ အဲဒီကိစ္စမှာ သိပ်ကျွမ်းကျင်လွန်းတဲ့ အမျိုးသမီး တစ်ယောက် မဟုတ်ပေမယ်လို့ အမျိုးသားစစ်စစ်တွေကိုပဲ ကျွန်မ ရင်ခုန်လေ့ရှိတယ်။ သူ ကျွန်မကို ကြည့်မြဲ တိုင်း ကြည့်နေခဲ့တယ်။ ကျွန်မ သူ့ကို မေးလိုက်တယ်။ ကျွန်မရဲ့ စိုးရိမ်စိတ်နဲ့ အတွေးတွေကြောင့် ကျွန်မရဲ့ အသံတွေ တုန်နေမှာတော့ သေချာပါတယ်။ ကျွန်မ အသံတွေကို တတ်နိုင်သလောက်ထိန်းပြီး သူ့ကိုမေးလိုက် တယ်။

            တစ်ခုခုမေးလိုက်တယ်လို့ ကျွန်မကိုယ် ကျွန်မထင်တယ်။ ဒါပေမယ့် သူကျွန်မကိုကြည့်နေတဲ့ အကြည့် တွေ တစ်စက်လေးမှ မပြောင်းလဲသွားတဲ့အတွက် ကျွန်မ ဘာမှ မပြောဖြစ်လိုက်ဘူးဆိုတာကို ကျွန်မသဘော ပေါက်လိုက်တယ်။ ကျွန်မ သူ့ကို စကားတစ်ခွန်းထပ်ပြောဖို့ ဆုံးဖြတ်လိုက်တယ်။ ဒါပေမယ်လို့ သူ့ရဲ့မျက်လုံး တွေကို ကျွန်မ လန့်နေမိတယ်။

            ကျွန်မတို့ ကိုယ်စီမှာ အပုန်းစိတ်ကလေးတွေရှိတတ်ကြတယ်။ တချို့လူတွေက အဲဒီအပုန်းစိတ်ကို ဖုံး ကွယ်ထားနိုင်ကြတယ် ။ တချို့က ဖုံးကွယ်ထားတတ်ကြတယ်။ တချို့က ဘယ်လိုဖုံးကွယ်ရမလဲမသိဘူး။ တချို့ က သူတို့မှာ အပုန်းစိတ်လေးရှိနေတယ်ဆိုတာကို မသိကြဘူး။ ကျွန်မက တတ်ိယအမျိုးအစားထဲမှာပါတယ်။ အဲဒီအပုန်းစိတ် ကျွန်မမှာရှိနေတာကို ကျွန်မသိတယ်။ ဒါပေမယ်လို့ ဘယ်လိုဖုံးကွယ်ရမယ်ဆိုတာကို ကျွန်မ မသိဘူး။ အရှင်းဆုံးပြောရမယ်ဆိုရင်တော့ သူ့ကို ကျွန်မ ကြောက်နေတယ်။

            `မင်းအကြောင်း မင်းပြောဖူးသလောက်ဆိုရင် မင်းက တကယ့်စစ်ပွဲနေရာကြီးတွေ၊ ခက်ခဲကြမ်းတမ်းတဲ့ တောတောင်နေရာဒေသတွေက ထူးဆန်းတဲ့ဖြစ်ရပ်မှန်တွေကိုတောင် မှတ်တမ်းရုပ်ရှင်ရိုက်ခဲ့ဖူးတယ်ဆို။´

            သူ ကျွန်မကိုမေးတယ်။ သူ့အသံဟာ နူးညံ့တယ်။ ကျွန်မ သူ့ကို ဘယ်လိုမေးရင်ကောင်းမလဲလို့ စိတ် ထဲက အကြိမ်ကြိမ်တွေးနေမိတယ်။ ပတ်ဝန်းကျင်ဟာ ညဘက်ကိုသမ်းလာတာကြောင့် တဖြည်းဖြည်းနဲ့ မှောင် လာတယ်။ ကျွန်မ သူ့ကိုပြန်မေးလိုက်တယ်။

            `တကယ်လို့ပေါ့။ ကျွန်မ ရှင့်ကို သဘောမတူခဲ့ဘူးဆိုရင် ရှင့်အကြောင်း မှတ်တမ်းရိုက်ဖို့အတွက် ရှင် ခွင့်မပြုနိုင်ဘူးပေါ့ ။ အဲဒီလိုလား။´

            `အဲဒီလိုပါပဲ။´       

            ကျွန်မ အမေးရဲ့ အဆုံးမှာ ချက်ချင်းသူဖြေလိုက်တဲ့အတွက် ကျွန်မအမေးနဲ့ သူ့အဖြေဟာ တစ်ထပ် တည်းလို ဖြစ်သွားတယ်။ သူ ကျွန်မကို ကြည့်နေခဲ့တယ်။ သူ့အကြည့်ဟာ စူးရှနေတဲ့အတွက် မျက်တောင် တောင် အခုထိ တစ်ချက်မှ မခတ်သေးဘူးလို့ ထင်ရတယ်။

            ကျွန်မဘ၀မှာ Documentary ရုပ်ရှင်ရိုက်တာဟာ အရေးအကြီးဆုံးနဲ့ ကျွန်မရဲ့ သက်မွေးဝမ်းကြောင်း တစ်ခုပဲ။ ကျွန်မ မှတ်တမ်းရုပ်ရှင်ဒါရိုက်တာဘ၀သက်တမ်းတစ်လျှောက်လုံးမှာ ကျွန်မရဲ့ ကျွမ်းကျင်မှုနဲ့ စိတ် ရော ကိုယ်ပါ နှစ်မြှုပ်နိုင်ခဲ့မှုတွေတို့ကြောင့် မကြာခဏဆိုသလို အသိအမှတ်ပြုမှုတွေ ခံခဲ့ရဖူးတယ်။ ကျွန်မ သူ့ နောက်ကို လိုက်နေတာ ငါးနှစ်ကျော်ကြာခဲ့ပြီ။ ကျွန်မ သူ့အကြောင်း စကြားပြီးကတည်းက ဆိုရင်တော့  ၇နှစ် လောက်ရှိနေပြီ။ သူဟာ အင်မတန်တွေ့ဖို့ ခဲယဉ်းတဲ့လူတစ်ယောက်ဖြစ်တယ်။ ကျွန်မကို ဒီတစ်ခေါက်တွေ့ပြီး ရင် နောက်ဘယ်တော့မှ ထပ်ပြီးလက်ခံမယ်လို့ ကျွန်မ မသိဘူး။ မသိသေးဘူး။ သူ့ရဲ့ တောင်းဆိုချက်ကို ကျွန် မ လက်မခံဘူးဆိုရင် သူကျွန်မကို ထပ်လက်မခံဘူးလို့ ခုပြောနေတယ်။ ကျွန်မ ဘာလုပ်ရမလဲကို မသိသေးဘူး ။ ကျွန်မ ဘ၀မှာ အတွေဝေခဲ့ဆုံးအချိန်ဟာ ဒီအချိန်ပဲ ဖြစ်နိုင်တယ်။

            နွေရာသီဖြစ်ပေမယ်လို့ အပြင်မှာ လေတွေတအားတိုက်နေတယ်။ တိုက်နေတဲ့လေတွေထဲမှာ မိုးနံ့ တွေရနေတယ်။ ဒီနေ့ည မိုးရွာနိုင်တယ်လို့ ကျွန်မထင်တယ်။ အိမ်ရှေ့တံခါးမကြီးက ပွင့်နေတဲ့အတွက် အပြင် က တိုက်နေတဲ့လေတွေနဲ့ သစ်ရွက်ခြောက်တွေကို ကျွန်မတို့နှစ်ယောက် တိုက်ရိုက်ထိခတ်မိနေကြတယ်။ ကျွန်မရဲ့ ဆံပင်တွေဟာ လေထဲမှာ ၀ဲနေကြတယ်။ လူအတော်များများက ကျွန်မရဲ့ ဆံပင်တွေကို လှတယ်လို့ ပြောလေ့ရှိကြတယ်။ ကျွန်မရဲ့ ဆံပင်တွေ လေထဲမှာ ၀ဲနေရင် လိုက်မကြည့်တဲ့လူဆိုတာ မရှိသလောက်ကိုပဲ။ ဒါ ပေမယ်လို့ ကျွန်မကို လိုက်လျောဖို့ တောင်းဆိုနေတဲ့ ကျွန်မရှေ့က လူကတော့ ကျွန်မရဲ့ မျက်လုံးတွေကိုပဲ စိုက်ကြည့်နေခဲ့တယ်။

            ညဟာ တဖြည်းဖြည်းမှောင်လာပြီ။ မျက်နှာချင်းဆိုင် ထိုင်နေကြတဲ့ ကျွန်မတို့ အချင်းချင်းတောင် တစ် ယောက်ကို တစ်ယောက် ကောင်းကောင်းမမြင်ရတော့ဘူး။

            `မင်း တစ်ခုခုကို စိုးရိမ်နေတယ်။´

            သူ ကျွန်မကို အတိအကျသိနေသလို ပြောတယ်။ သူပြောတဲ့အချက်ဟာ မှန်နေတဲ့အတွက် ကျွန်မ မငြင်းဘူး။ ကျွန်မ ခေါင်းညိတ်လိုက်တယ်။

            `ဟုတ်တယ်။ အဲဒါဘာလဲဆိုတော့ .. ´

            `တကယ်လို့ ကိုယ်သာ မိန်းကလေးတစ်ယောက် ဖြစ်နေခဲ့မယ်ဆိုရင် မင်းဘယ်လိုလုပ်မလဲလို့ မေး ချင် နေတယ်မဟုတ်လား။´

            သူဟာ အမြဲကျွန်မ စကားကို ဖြတ်ဖြတ်ပြောတယ်။ သူဖြတ်ပြောလိုက်တဲ့ အချိန်တိုင်းမှာ ကျွန်မ မနှစ်မြို့ တတ်ပေမယ်လို့ အခု သူဖြတ်ပြောလိုက်တဲ့အတွက် ကျွန်မ သူ့ကိုကျေးဇူးတင်လိုက်တယ်။

            `ဘာဖြစ်လဲ။ မင်းအတွက် မကြုံဖူးသေးဘူးဆိုရင် ဒါဟာ အတွေ့အကြုံသစ်ပေါ့။´

            သူပြောလိုက်တဲ့ စကားက ကျွန်မကို ကြက်သီးထစေတယ်။ ကျွန်မ လူအတော်များများနဲ့ ကြုံတွေ့ ဆက်ဆံရဖူးတယ်။ ကျွန်မရဲ့ လုပ်ငန်းကိုက လူအတော်များများနဲ့ ပြောဆိုဆက်ဆံရမယ့် အခြေအနေမျိုးဖြစ် နေတယ်။ အဲဒီလို လူမှုဆက်ဆံရေးဘက်မှာ ကျွန်မနိုင်နင်းခဲ့တယ်။ နိုင်နင်းခဲ့တယ်လို့ ကျွန်မကိုယ်ကျွန်မထင်ခဲ့ တယ်။ သူ့ကိုတွေ့ပြီးနောက်ပိုင်းမှာတော့ လူတစ်ယောက်ဟာ အမြဲမနိုင်နိုင်ဘူးလို့ ကျွန်မသိလာခဲ့တယ်။

            အပြင်မှာ မိုးဖွဲတွေကျလာပြီဆိုတာကို အိမ်အမိုးပေါ်ကို မိုးကျတဲ့အသံကြောင့် ကျွန်မ သိလိုက်တယ်။ ခုနကထက် ပိုအေးတဲ့လေတွေဟာ ကျွန်မတို့နှစ်ဦးကြားကို တိုက်ရိုက် တိုးဝင်လာတယ်။ ကျွန်မ နည်းနည်း အေးလာတာကြောင့် အပေါ်က ရုံထားတဲ့ ဆွယ်တာကို တင်းအောင်ဆွဲစေ့လိုက်တယ်။ သူကျွန်မကို ကြည့်နေခဲ့ တယ်။ ကျွန်မ ဆွယ်တာကို တင်းနေအောင် ပြန်စေ့ရင်း သူ့ကို အကဲခတ်လိုက်တယ်။ သူဟာ ခုနကပြောသလို ပဲ မျက်တောင်တောင် မခတ်ဘဲ ကျွန်မကို စူးစူးရဲရဲကြည့်နေတယ်။

            ကျွန်မ ဆုံးဖြတ်ချက်တစ်ခုကို ချလိုက်တယ်။ ကျွန်မဘ၀မှာ အရေးအကြီးဆုံးက အလုပ်ပဲ။ အလုပ် ထက်ပိုပြီး ကျွန်မ ဘာကိုမှ စိတ်မ၀င်စားခဲ့တာကြာပြီ။ ရှေ့လျှောက်မှာလည်း ကျွန်မ အလုပ်ကိုပဲ စိတ်ဝင်စား ဖြစ်လိမ့်မယ်။ ကျွန်မ သူ့ကို စက္ကန့်အနည်းငယ်ကြာအောင် ပြန်စိုက်ကြည့်ပြီး နောက်မှာ ခေါင်းညိတ်လိုက်တယ် ။

            `ကောင်းပြီ။ ရှင်ပြောတာကို ကျွန်မ သဘောတူတယ်။´

            သူ ကျွန်မကို ဘာမှမပြောဘဲ ခပ်တင်းတင်းပဲ စိုက်ကြည့်နေခဲ့တယ်။ သူ့မျက်နှာက ပျော့ပျောင်းနူးညံ့ ပေမယ်လို့ သူ့အကြည့်တွေဟာ စူးရှလွန်းနေတာကြောင့် ခပ်တင်းတင်းစိုက်ကြည့်နေသလို ကျွန်မခံစားလိုက်ရ တယ်။

            `ဘယ်လိုလဲ ။ ခုပဲ စလိုက်ကြမလား။´

            ဒီကိစ္စ မြန်မြန်ပြီးသွားမှ ကျွန်မနဲ့ သူ အလုပ်ဆက်လုပ်လို့ရမယ်ဆိုတာကိုကျွန်မ သိနေတယ်။ ကျွန်မ ဒီကိစ္စကို မြန်သထက် မြန်အောင်ပဲ ကျော်လွှားသွားချင်တယ်။ အပြင်မှာ မိုးဖွဲကနေ အားပိုကောင်းလာတဲ့ မိုး ကြောင့် ခဏနေရင် ကျွန်မ ချမ်းလာတော့မယ်။ ဒါကြောင့် ကျွန်မ သူ့ကို မြန်မြန်ပဲ မေးလိုက်တယ်။

            သူခေါင်းညိတ်ပြီး ကျွန်မကို စိုက်ကြည့်နေခဲ့တယ်။ သူ့ကိုကြည့်ရတာဟာ စာရေးဆရာ ဟာရုကိ မူရခမိ ရဲ့ ဇာတ် ကောင်တွေကို ကျွန်မ သတိရမိတယ်။ ဘယ်လိုကြီးမှန်းမသိတဲ့ ခံစားချက်ကြီးတွေကို သူကျွန်မကို ပေးနေတယ်။

            ကျွန်မ ဖြည်းဖြည်းချင်း မတ်တပ်ရပ်လိုက်တယ်။ သူ ကျွန်မ မတ်တပ်ရပ်တာကို လိုက်ကြည့်နေခဲ့တယ်။ ကျွန်မ ဆွယ်တာအောက်က ရင်ဘတ်ဟာ ခုန်လှုပ်နေတယ်။ မတွေ့ကြုံဖူးသေးတဲ့ အတွေ့အကြုံအသစ်တစ်ခု ကို သူ့ကြောင့် ကျွန်မရတော့မယ်။

            အပေါ်က ရုံထားတဲ့ ဆွယ်တာကို ကျွန်မ ခွာချလိုက်တယ်။ သူ့မျက်လုံးတွေဟာ ခုနကအတိုင်းပဲ ဘယ် ကိုမှ ရွေ့မသွားဘဲ ကျွန်မရဲ့ မျက်လုံးတွေကိုသာ စိုက်ကြည့်နေခဲ့တယ်။ အခုအချိန်မှာ သူ့မျက်လုံးတွေကို ကျွန် မ ဂရုမစိုက်နိုင်ဘူး။ ကျွန်မရဲ့ အလုပ်ကိစ္စအတွက်သာ အာရုံထားတယ်။ သူသာ ကျွန်မကို တကယ် အကဲခတ် နေခဲ့တာဆိုရင်တော့ ကျွန်မမျက်လုံးထဲက အလုပ်အတွက် စိတ်အားထက်သန်မှုတွေကို သူမြင်ရနိုင်တယ်။

            အပြင်က မိုးဟာသည်းလာပြီ။ တံခါးမကြီးနားမှာ ထိုင်နေကြတဲ့အတွက် သူရော ကျွန်မပါ အနည်းငယ်စီ မိုးရေတွေ စိုနေကြပြီ။ သူ့ကို ကျွန်မ သိပ်မမြင်ရတော့ဘူး။ ဒါပေမယ့် သူကျွန်မကိုကြည့်နေတုန်းပဲ။ ကျွန်မ သူ့ ကို မကြည့်ဘဲ ကျွန်မရဲ့ တီရှပ်ကို ချွတ်ဖို့ ကျွန်မစတင်လိုက်တယ်။ တဖြည်းဖြည်းချင်း ကျွတ်သွားတဲ့ ကျွန်မရဲ့ တီရှပ်ကို သူလိုက်ကြည့်နေမယ်လို့ ကျွန်မ မထင်ဘူး။ သူ ကျွန်မမျက်လုံးတွေကိုပဲ ကြည့်နေလိမ့်မယ်ဆိုတာ ကျွန်မ အသေအချာကို သိနေခဲ့တယ်။ ထင်တဲ့အတိုင်းလဲ ဟုတ်တယ်။ သူကျွန်မ မျက်လုံးတွေကိုပဲ ကြည့်နေခဲ့ တယ်။ အပြင်က မိုးကြောင့် ကျွန်မအတော်အေးနေပြီ။ သူ့ကိုကြည့်ရတာ ထိုင်ရာက ထမယ့်ပုံလည်း မပေါ်ဘူး။ နေရာရွှေ့မယ့်ပုံလည်း မပေါ်ဘူး။ သူ့ကို မိုးရေတွေ ထိမှန်နေတယ်ဆိုတာကိုတောင် သူသိရဲ့လား မသိဘူး။ သူ ကျွန်မကိုပဲ စိုက်ကြည့်နေခဲ့တယ်။

            တီရှပ်အကျီကို ကျွန်မ အဆုံးထိ ဆွဲချွတ်ဖို့ လက်ကို မ တင်လိုက်တယ်။

            `မင်း အမြဲတမ်း ဒီလိုပဲ လုပ်နေကျလား။´

            သူ့အမေးကို ကျွန်မ လက်ကို ပြန်ရုတ်ပြီး ဖြေလိုက်တယ်။

            `အလုပ်နဲ့ ပတ်သက်ရင်တော့ ဒါဟာ ပထမဆုံးပါ။´

            သူ ကျွန်မကို အကြာကြီးစိုက်ကြည့်နေခဲ့တယ်(လို့ ထင်ရတယ်။) ဒါပေမယ်လို့ အကြာကြီးတော့လည်း မဟုတ်ပါဘူး။

            `ကိုယ် မင်းကို တကယ်မလိုချင်ခဲ့ပါဘူး ။ ဆောရီး။´

            ကျွန်မ ဆွယ်တာကို ပြန်ဝတ်ပြီး ပြန်ထိုင်နေလိုက်တယ်။ သူ ကျွန်မကို အရုပ်တစ်ရုပ်လို ကစားဖို့ ကြံ စည်နေတာဖြစ်နိုင်တယ်။ အရင် ကျွန်မစိတ်နဲ့သာဆို အပြင်းအထန်ပေါက်ကွဲမိမှာ မှန်ပေမယ်လို့ အခုကအလုပ် နဲ့ လာရတာဆိုတော့ ကျွန်မ သည်းခံလိုက်တယ်။ သူ့ဆီက ရလာမယ့် အကျိုးအမြတ်ကို ကျွန်မသိနေတယ်။

            `ဘယ်အရွယ်မှာပဲ ဖြစ်ဖြစ် ဘယ်သူမှ မိုက်ရူးရဲဆန်တာ မကောင်းဘူး။´

            သူ့ဟာသူ ပြောသလို တစ်ယောက်တည်း ရေရွတ်သလို ပြောရင်း သူမတ်တပ်ထရပ်လိုက်တယ်။ သူက လွန်ခဲ့တဲ့ နှစ်တွေကထက် ပိုပြီးအရပ်ရှည်လာသလိုပဲ ထင်ရတယ်။ ဒါပေမယ်လို့ သူ့ကြည့်ရတာ အသက် သုံး ဆယ်လောက်ရှိလောက်ပြီထင်တယ်။ အသက်သုံးဆယ်ကျော်နေတဲ့ လူတစ်ယောက်ဟာ အရပ်ထပ်ရှည်လာ တတ်တယ်လို့ ကျွန်မ မကြားဖူးဘူး။ မျိုးဗီဇကွဲတာကြောင့် မဟုတ်ရင် ဒါဟာ ပုံမှန်ကိစ္စ တစ်ခုပဲလို့ ကျွန်မ သိ ထားတယ်။

            ကျွန်မခုနက ပြောနေတာ ဘယ်ရောက်သွားပြီလဲ။ သူမတ်တပ်ရပ်လိုက်တယ်ထိနော်။ ဟုတ်ပြီ။ သူမတ် တပ်ထရပ်လိုက်တယ်။ အရပ်ပိုရှည်လာသလိုပဲ။ သူ့ခန္ဓာကိုယ်က ပိန်ပိန်သွယ်သွယ် သေးသေးလျလျပဲ။ သူ့ရဲ့ မိုးပြာရောင် ကုတ်အကျီအောက်မှာ အဖြူရောင် အကျီတစ်ထည် ၀တ်ထားသလားလို့။ ကျွန်မ မျက်စိမှားတာ လည်းဖြစ်နိုင်တယ်။ ဒါပေမယ်လို့ ကုတ်အကျီင်္အောက်မှာ ဘာအကျီမှ ထပ်မ၀တ်ထားဘဲနဲ့ ကုတ်အကျီင်္ချည့် သက်သက် ၀တ်ထားဖို့ဆိုတာကတော့ တော်တော်ကြီးကို ပြောင်စပ်စပ်နိုင်မယ့် ကိစ္စပဲ။ ဒါပေမယ်လို့ သူဆိုရင် တော့ ကျွန်မ မပြောတတ်ဘူးပေါ့လေ။

            ကျွန်မ ချစ်သူနဲ့ အတူနေစဉ်အခါက ကျွန်မရဲ့ ချစ်သူကို ပွဲတစ်ခုသွားဖို့ အလောတကြီးခေါ်ခဲ့ဖူးတယ်။ သူလိုက်တော့ လိုက်လာပေမယ်လို့ ကားပေါ်ရောက်မှ ကျွန်မသူ့ကိုကြည့်လိုက်တဲ့အခါမှာ သူ့ကုတ်အကျီ အောက်မှာ ဘာအကျီမှ ထပ်မ၀တ်ထားတာကို တွေ့လိုက်ရတယ်။

            “ဟင် .. ရှင် ဘာမှဝတ်မထားပါလား။”

            ဒီတော့မှ သူ့ကိုယ်သူ ငုံ့ကြည့်ပြီး တဟားဟားနဲ့ အော်ရယ်တော့တယ်။

            ကျွန်မနဲ့ ကျွန်မချစ်သူဟာ အဲဒီလို အသေးအဖွဲတွေကစလို့ အကြီးအမားကြီးတွေအထိ အကြီးကြီး တွေချည့် လွဲခဲ့ကြတယ်။ ကျွန်မက အရာရာကို တန်ဖိုးထားလေးစားတတ်တဲ့လူတစ်ယောက်ကြီးရယ်လို့တော့ မဟုတ်ပေမယ်လို့ သူက ကျွန်မထက် ပိုဆိုးတယ်။ အနည်းဆုံးတော့ ကျွန်မရဲ့ အိမ်ထောင်ဖက်ဖြစ်လာမယ့်လူ ဟာ ကျွန်မလို ခံယူချက်မျိုးတော့ ရှိသင့်(ရ)မယ် မဟုတ်လား။ ဒီလိုပဲ ကျွန်မတို့ နေရာတစ်ခုတည်းမှာ အကျယ် ကြီး ဝေးခဲ့ကြတယ်။

            “မင်း ဆဲန်းဒွစ်ခ်ျ စားမလား။”

            သူ ကျွန်မကို ဖြေးဖြေးညင်သာမေးလာတယ်။ ကျွန်မ ခေါင်းခါလိုက်တယ်။

            “ဟင့်အင်း လောလောဆယ် ကျွန်မမဆာသေးပါဘူး။ နောက်ခဏနေရင်တော့ ဆာလာလိမ့်မယ်။ အဲဒီ ကျရင် ကျွန်မပြောပ့ါမယ်။”

            သူ ခေါင်းညိတ်လိုက်တယ်(လို့ထင်ရတယ်)။ ပြီးတော့ “ကိုယ်ဟာ ဆဲန်းဒွစ်ခ်ျလုပ်တဲ့နေရာမှာ အတော် တော်တဲ့လူတစ်ယောက်ပါ။” လို့လည်း နောက်သလို ပြောင်သလို ပြောသေးတယ်။

            မိုးတွေလည်း သည်းနေရင်း၊ အရာရာဟာလည်း မှိန်ဝါးနေရင်း ကျွန်မသူ့ကိုကြည့်နေလိုက်တယ်။ သူနဲ့ ပတ်သက်ပြီင်္း အရာရာတိုင်းဟာ ပြောင်းလဲသွားခဲ့ပေမယ်လို့ သူကိုယ်တိုင်ကတော့ မပြောင်းလဲသွားခဲ့ဘူး။ ကျွန် မသူ့ကို မေးခွန်းတွေ စမေးတော့မယ်။ (လို့ ဆုံးဖြတ်လိုက်တယ်။)

            “ကိုယ် အရင်က .. ”

            ကျွန်မ ပါးစပ်ဟလိုက်တဲ့အချိန်နဲ့ သူစကားပြောလိုက်တဲ့အချိန်က ကိုက်ညီသွားတာကြောင့် ကျွန်မ အ လျင်အမြန်ဘဲ ပါးစပ်ပြန်ပိတ်ပြီး သူပြောတာကို နားထောင်နေလိုက်တယ်။ သူကလည်း ကျွန်မ တစ်ခုခုပြောမယ် လို့ ထင်လိုက်တဲ့အတွက် သူ့စကားကို မဆက်ဘဲ ရပ်ထားလိုက်တယ်။

            ကျွန်မကပဲ သူ့ကိုလောဆော်လိုက်တယ်။

            “ဆောရီး။ ကျွန်မ လောသွားလို့ပါ။ ရှင်ဘာပြောမလို့လဲ။”

            “ကိုယ်အရင်တုန်းက .. ” သူစကားဆက်တယ်။

            “၀တ္ထုခေါ်မလား ဆောင်းပါးခေါ်မလား ရသစာပေလား အဲဒါတစ်ခုဖတ်ဖူးတယ်။”

            ရောင်နီလေးတွေ အပြင်မှာသမ်းနေတာကို သူပြောတာနားထောင်ရင်းနဲ့ ကျွန်မ ခိုးကြည့်လိုက်တယ်။

            “အဲဒီထဲမှာ ရေးထားတာတစ်ခုက ကိုယ်တို့နိုင်ငံကလူနဲ့ တခြားဂြိုလ်က ကမ္ဘာသားကစကားပြောနေ ကြတဲ့အခန်းပေါ့လေ။ အဲဒီမှာ တခြားကမ္ဘာသားက မေးတယ်။ မင်းတို့နိုင်ငံကလူတွေက စကားပြောရင် မာ တောင့်တောင့်နဲ့ ဘာဗဟုသုတရစရာမှလည်း မရှိဘူးတဲ့။ အနည်းဆုံးတော့ ဥပမာပေါ့လေ .. (မင်းတို့ထဲက လူ တစ်ယောက် င့ါကြောင့်သေသွားတယ် ။ ဆောရီးကွာ။) လို့ တစ်ယောက်ယောက်က ပြောလာမယ်ဆိုပါစို့တဲ့။ အဲဒီမှာ မင်းတို့ကမ္ဘာသားတွေဆိုရင် ပြန်ပြောမယ့်ပုံစံက အထိတ်ထိတ်အလန့်လန့်နဲ့ ( ဟုတ်ကဲ့ ။ ရပါတယ် ခင်ဗျာ။ ကိစ္စမရှိပါဘူး။) ဒီလိုပေါ့တဲ့။

            ငါတို့ ကမ္ဘာသားတွေကျတော့ စကားပြောရင် ဒီလိုမပြောကြဘူးကွတဲ့။ တခြားလူတစ်ယောက်က ငါတို့ ကိုအဲဒီလို ပြောလာမယ်ဆိုပါစို့။ ငါတို့က ပြန်ပြောမယ်။ မင်းတို့လိုပဲ အထိတ်ထိတ်အလန့်လန့်နဲ့ပေါ့။(ကိစ္စ မရှိပါဘူးခင်ဗျာ။ ကျွန်တော်တို့မှာ တခြားလူတွေ အများကြီးရှိပါသေးတယ်။) လို့ .. တဲ့။ ”

            သူက သူ့ပုံပြင်ကို သူသဘောကျသလိုလိုနဲ့ ပြုံးတယ်။

            “ကိုယ်လည်း တွေးကြည့်ဖူးတယ်။ ဘာကြောင့်များ ကိုယ်တို့နိုင်ငံကလူတွေ စကားပြောရင် ဘာဗဟုသု တမှ ယူစရာမရှိအောင် ပြောကြတာလဲလို့။ ကိုယ်ထင်တယ်။ ဒါထက် မင်းထင်တာကို အရင်ပြောပြကြည့်ပါလား ကိုယ့်ကိုလေ။”

            ကျွန်မဘက်ကို သူ့ပြသနာကလှည့်လာတယ်။ ကျွန်မရဲ့ အလုပ်က သူ့ကိုအင်တာဗျူးဖို့ပဲ။ ဗျုးပြီးရင် ပြန်မယ်။ ပြန်ပြီးရင် သူနဲ့စကားပြောလာတာတွေကို ကျွန်မ မှတ်ဥာဏ်ထဲက မေ့မသွားခင် ချရေးထားမယ်။ ပြီး ရင်လိုအပ်တဲ့ အချက်တွေဆွဲထုတ်ပြီး သူ့ကို ဘယ်လိုဇာတ်အရင်တည်မလဲဆိုတာကို ဆုံးဖြတ်မယ်။ ကျွန်မမှာ လုပ်စရာတွေက အများကြီးပဲ။ လူတစ်ယောက်ဟာ သေသွားပြီးရင် သူ့လိုပဲ အလုပ်မဲ့ အကိုင်မဲ့ဖြစ်သွားမှာလား။ ကျွန်မ မသိဘူး။ ဒါပေမယ်လို့ ကျွန်မက မသေသေးတဲ့အတွက် လုပ်စရာတွေက အများကြီးရှိနေတယ်။ ကျွန်မ မပျောက်ကွယ်သွားသေးတဲ့အတွက် ကျွန်မရဲ့ ဖြစ်တည်မှုတွေကို ကျွန်မ ပြန်ပြီးတွေးတော ဆင်ခြင်သုံးသပ်နေစ ရာမလိုသေးဘူး။ ကျွန်မကို ဆင်ခြင်သုံးသပ်ချင်တဲ့လူတွေကတော့ ကျွန်မပျောက်ကွယ်သွားပြီးနောက်ပိုင်း ပေါ် ချင်လည်း ပေါ်လာဦးမှာပေါ့လေ။

            “ကျွန်မ ..”

            ကျွန်မ လို့ စကားစလိုက်ပြီး ချောင်းတစ်ချက်ဟန့်လိုက်တယ်။ ကျွန်မ လည်ချောင်းကပ်သွားပြီ။ သူ သတိထားမိပုံပဲ။ သူမတ်တပ်ရပ်နေရာက ထပြီး အမှောင်ထဲကို ၀င်သွားတယ်။

            အပြင်မှာ နေဟာ ခြစ်ခြစ်တောက် ပူလောင်အိုက်စက်နေပြီ။ ကျွန်မတစ်ကိုယ်လုံးလည်း ပူလောင်နေသ လိုခံစားရတယ်။ ကျွန်မ ရောက်လာကာစက အမှောင်လို့ ထင်နေတဲ့နေရာတွေဟာ လင်းကျင်းနေတယ်။ သူ ထွက်သွားတဲ့နေရာကို ကျွန်မလိုက်ကြည့်မိတော့ မီးဖိုချောင်တစ်ခုကို ကျွန်မ တွေ့ရတယ်။

            ကျွန်မ လိုက်ဝင်သွားလိုက်တယ်။

            “ဆောရီး။ ကျွန်မ ရှင့်မီးဖိုချောင်ထဲဝင်လာလိုက်ပြီ။”

            သူ လှည့်ကြည့်ပြီး ဘာမှ မပြောဘူး။ ကျွန်မလည်း စိတ်တိုင်းကျ မီးဖိုချောင်ကို လှည့်ပတ်ကြည့်ရှု လိုက်တယ်။

            သူ့ရဲ့ မီးဖိုချောင်အခင်းအကျင်းဟာ ကျွန်မတို့အိမ်နဲ့ မတူလှဘူး။ ပုံမှန်အားဖြင့် ကျွန်မတို့ရဲ့ မီးဖို ချောင်တွေဟာ အ၀င်ဝမှာ လျှောက်လမ်းလေးတစ်ခုလုပ်ထားပြီး အလယ်နားလောက်မှာမှ ထမင်းစားစားပွဲကို ပြင်ထားမယ်။ ပြီးရင် ဆက်လျှောက်သွားလိုက်ရင် ဘေးဘက်ပတ်ပတ်လည်လေးတွေမှာ ဘေစင်လေးတွေနဲ့ နံ ရံကပ်ပန်းကန်စင်လေးတွေကို တွေ့ရမယ်။ အဲဒီကမှ ဆက်လျှောက်လိုက်ရင် မီးဖိုတင်မယ့် စားပွဲခုံနဲ့ ဟင်းချက် ဖို့နေရာတစ်ခု ။ အဲဒီနောက်မှာမှ ရေခဲသေတ္တာ။

            သူ့မီးဖိုချောင်ကတော့ ရှင်းတယ်။ ထမင်းစားဖို့နေရာရယ်လို့ သီးသန့်မတွေ့ရဘူး။ မီးဖိုချောင်နဲ့ ဘယ်လိုမှ မလိုက်ဖက်တဲ့ ဆိုဖာခုံရှည်ကြီးတစ်လုံးကို တွေ့ရတယ်။ ပြီးတော့ ဟင်းချက်စားပွဲကို ထားတယ်။ ပြီး တော့ ဘေစင်နှစ်ခု။ ရေပူတစ်ခု ရေနွေးတစ်ခု။ ဧည့်ခန်းနဲ့ မျက်နှာချင်းဆိုင်မှာတော့ ရေခဲသေတ္တာတစ်လုံး။

            အဲဒီရေခဲသေတ္တာထဲက ရေတစ်ဗူးကို ထုတ်ပြီး သူကျွန်မကို တိုက်တယ်။ ရေခဲသေတ္တာထဲက ထုတ် လိုက်ပေမယ်လို့ သူ့ရဲ့ရေဟာ ရေခဲလို မအေးဘူး။ အေးမြမြနဲ့ နူးညံ့တဲ့အရသာမျိုး ကျွန်မရတယ်။

            “မင်း ဓါတ်ပုံတွေစိတ်ဝင်စားလား။ ကိုယ်လိုက်ပြမလို့။”

            “ဓါတ်ပုံပြပွဲလုပ်ထားတာလား။”

            ကျွန်မကို သူအတန်းထဲမှာ စာမရလို့ ငေါက်တော့မယ့် ဆရာမမျက်လုံးမျိုးနဲ့ ကြည့်တယ်။ ကျွန်မ မျက် မှောင်ပြန်ကုတ်ပြလိုက်တယ်။

            “ကိုယ် အပေါ်ထပ်မှာ ဓါတ်ပုံတွေရိုက်ပြီး သိမ်းထားတာတွေရှိတယ်။ ပြမလို့။”

            အော် .. သူက ဓါတ်ပုံရိုက်တာလည်း ၀ါသနာပါသလား။ ကျွန်မ သူ့အခန်းထဲလိုက်ဝင်သွားမလို့ပဲ။

            သူက နည်းနည်းတော့ ဆန်းတော့ဆန်းတယ်။ ဆန်းတော့လည်း မဆန်းပါဘူး။ အခန်းက ခုနကထက် စာရင်တော့ နည်းနည်းတော့ ပိုပျော်ဖို့ ကောင်းလာတာအမှန်ပဲ။ သူနဲ့နေရတာ ကျွန်မ စိတ်ကျဉ်းကျပ်ပေမယ်

လို့ ကျွန်မ ပျော်ပါတယ်။ ကျွန်မတို့ မီးဖိုချောင်က ပြန်ထွက်လာကြတယ်။

            နာရီက ၁၅ ချက်တီးနေပြီ။ ကျွန်မ ပြန်သင့်ပြီ မဟုတ်လား။ ကျွန်မ မပြန်သေးဘူး။ သူ့ကို ကျွန်မ ဆက် ကြည့်နေလိုက်တယ်။ ဒါကို သူသိလို့ သူလည်း ကျွန်မကို ပြန်ကြည့်နေတယ်။ ခဏနေတော့ သူက အ၀တ်တွေ လျှော်ထားတာကြည့်ရဦးမယ် ဆိုပြီး အိပ်ခန်းထဲဝင်သွားတယ်။ ကျွန်မလည်း ပျင်းပျင်းရှိတာနဲ့ ဧည့်ခန်းထဲမှာ တွေ့ရတဲ့ ကြမ်းပြင်ပေါ်မှာ စိမ်ပြေနပြေလှဲအိပ်လိုက်တယ်။ ကြမ်းပြင်ဟာ အမြဲတမ်းမလှည်းကျင်းထားသလို ဖြူ ဖွေးသန့်စင်လျက်ရှိတယ်။ ကြမ်းရှရှနဲ့ ချောတောတော အရသာကို ရရှိတယ်။

            ဒီလိုကြမ်းပြင်မျိုးပေါ်မှာ ကျွန်မရဲ့ မိဘတမျှ ချစ်ခင်ရတဲ့ မိတ်ဆွေတစ်ယောက်သေကြောင်းကြံခဲ့ဖူး တယ်။ သူဟာ သေကြောင်းကြံလို့ရတဲ့ အသက်သာဆုံးနည်းလမ်းကောင်းတွေ များစွာရှိပါလျက်နဲ့ လက် ကောက်ဝတ်ကို သူအမွှေးရိတ်နေကျ ဘရိတ်ဓါးနဲ့ လှီးခဲ့တယ်။ ကျွန်မသူ့ကိုပြန်တွေ့တော့ ပါတီတစ်ခုက ပြန် လာပြီးချိန်မှာပေါ့။ သူဟာ မသေသေးဘူး။ သွေးတွေ မြင်မကောင်းအောင် ပွစာကြဲနေတဲ့ သူ့လက်ကောက်ဝတ် ပြတ်လုလုကို အုပ်ကိုင်ပြီး “ ငါဟာ လွတ်လပ်သူ ဖြစ်သွားပြီ။ ငါဟာ လွတ်လပ်သူ ဖြစ်သွားပြီ။” လို့ နှစ်ခါအော် တယ်။ သူ့ကို ဆေးထည့်ပေးဖို့ ကြံလိုက်တော့ သူက သူ့ကိုဆေးထည့်ပေးမယ့်အစား ဂစ်တာတီးပြပါလားလို့ တောင်းဆိုလာတယ်။ အဲဒီညမှာ .. အဲဒီညလယ်ပိုင်းမှာ ကျွန်မသူ့ကို ကဗျာတစ်ပုဒ်တီးပြခဲ့တယ်။ သူမျက်လုံး လေးတွေစဉ်းပြီး ကျွန်မတီးပြတာကို လိုက်ကြည့်နေခဲ့တယ်။ ကျွန်မ သူ့မျက်လုံးတွေကို မုန်းတယ်။ သူ့မျက်လုံး တွေကို မုန်းတဲ့အကြောင်းကိုလည်း သူမသေခင်က ကျွန်မ ခဏခဏပြောပြခဲ့တယ်။ ခုလည်း ကျွန်မသူ့ကို ထပ် ပြောလိုက်တယ်။

            “မင်း မျက်လုံးတွေ အားကြီးမုန်းဖို့ကောင်းတယ်။ မင်းလက်ကောက်ဝတ်က ထွက်နေတဲ့သွေးတွေလိုပဲ။ အရမ်းရွံဖို့ကောင်းတယ်။”

            သူ ကျွန်မကို “ဆောရီး”လို့ ပြောပြီး သူ့အကြည့်ကို ပြန်ရုတ်သိမ်းတယ်။ ဒီနေ့ဘာနေ့လဲလို့လည်း ကျွန်မကို မေးသေးတယ်။ “သောကြာနေ့”လို့ ကျွန်မ ပြောလိုက်တော့ သူ့အသက် ၈၅ နှစ်လောက်က ကြည့် ခဲ့ရတဲ့ ရော်ဘင်ဆန်ကရူးဆိုးရဲ့ တပည့် လူရိုင်းလေး ဖရိုင်းဒေးကို သတိရတယ်လို့ ပြောတယ်။

            “ဒါဆို မင်းသေရင် သူ့ကိုတွေ့အောင် သွားရှာကြည့်ပါလား။ တွေ့ချင် တွေ့ရမှာပေါ့။” ကျွန်မ သူ့ကို နှစ်သိမ့်လိုက်တယ်။ 

            “ငါသေရင် မင်း ဘယ်ကိုသွားမှာလဲ။”

            သူ့အမေးကို ကျွန်မ “အေး .. သွားကြတာပေါ့။” လို့ခပ်ပြတ်ပြတ်ဖြေလိုက်တယ်။ သူက ပခုံးတွန့် လိုက်ရင်း သူ့ဘေးမှာထားထားတဲ့ ညလယ်စာ ပေါင်မုန့်နဲ့ သူ့သွေးတွေကို သုတ်လိုက်တယ်။ ပေါင်မုန့်မှာ သွေးညှီနံ့တွေ ပေကုန်ပြီး ပေါင်မုန့်တစ်ခုလုံးဟာ အညိုရောင်တွေ ပြည့်သွားတယ်။ အပြင်မှာ မလင်းလာသေး ဘူး။

            “အပြင်မှာ လင်းမလာသေးဘူးနော်။” လို့ သူက ကျွန်မကို ပေါင်မုန့်ကိုင်ရင်းပြောတယ်။

            “မင်းသေရတော့မယ် မဟုတ်လား။ ဘာလို့ မသေသေးတာလဲ။” လို့ ကျွန်မမေးလိုက်တယ်။ အဲဒီကျ တော့မှ သူက ဟုတ်တယ် ဟုတ်တယ် လို့ ရယ်ဟဟ ပြောပြီး ကြမ်းပေါ်မှာ လှဲချလိုက်တယ်။

            သူသေသွားတော့ သူနောက်ဆုံးကိုင်ခဲ့တဲ့ ပစ္စည်းဖြစ်တဲ့ ပေါင်မုန့်အညိုရောင်ဟာ သူ့ဘေးမှာကျလို့။ အိပ်ခန်းထဲမှာ တပ်ထားတဲ့ ပန်ကာက သူ့နားမှာ ဒလက်လည်လို့။ သွေးတွေဟာ မြင်မကောင်းအောင် ထွက် လို့။ တစ်ခါတစ်ခါမှာ လူတွေဟာ သေဖို့အတွက် တခြားတစ်ယောက်က ဘေးကနေ တိုက်တွန်းပေးနေဖို့ လို တယ် မဟုတ်လား။ သေခါနီးလူတွေဟာ ကျွန်မတို့ရိုးရာရုပ်ရှင်ကားတွေထဲကလိုပဲ အားကြီးစကားများကြတယ်။